كتب-نهى نصر
ماسبيرو ياما اتفرجناواستمتعنا بأحلى الحاجات عليه
عشان يرجع تاني التليفزيون المصري لمجده انا فكرت في شوية افكار بس مش عارفة هي تنفع ولا لأ ؟ مثلا :
,,,,,,,,,,,
1- يقرر نجم من النجوم انه يخلي مسلسله حصري للتليفزيون المصري فلا يعرض المسلسل الا على قنوات التليفزيون المصري وبكدة الاعلانات اللي تتعرض اثناء المسلسل ها تبقى على التليفزيون المصري
وبكدة يكون في دخل لماسبيرو ويعود للانتاج بقوة من جديد
.....
2- مقدمي برامج التوك شو ليه كل مقدم من هؤلاء المقدمين ما يخليش يوم كل اسبوع يخصصه للتليفزيون المصري
يعني مثلا يكون في برنامج توك شو على التليفزيون المصري طوال الاسبوع وكل يوم يكون موجود مقدم من مقدمي التوك شواللي موجودين على القنوات الخاصة. ولو امكن يكون بالاسم القديم ’ البيت بيتك ’
...........
ما اظنش ان ممكن حد يرفض يساعد تليفزيون بلده اللي هو اصلا عرفنا بكل هؤلاء سواء مشاهير التمثيل او مشاهير التوك شو , اعتقد انهم جميعا لا ينكرون هذا الفضل للتليفزيون المصري ولن يترددوا في رد الجميل له
...............
3- في قنوات موجودة يمكن ان تنضم لقنوات اخرى وتخفف العبء المادي
على سبيل المثال :
,,,,,,,,
- قناة نايل لايف ما تقدمه يمكن ان تقدمه قنوات اخرى فالمسلسلات توجد على النيل للدراما, والافلام توجد على نايل سينيما والبرامج يمكن ان تقدم على اي قناة من قنوات ماسبيرو فهي قناة ليس لها ما يميزها بصفة خاصة
- لماذا توجد قناتين للتعليم اعتقد ان واحدة تكفي وياريت لو تنضملهم الثقافية كمان ويبقى ثقافة وتعليم مع بعض
- القناة الاولى والتانية والفضائية المصرية لو امكن بردو ياريت ينضموا لقناة واحدة تبقى الفضائية المصرية مثلا بس خاصةالاولى والفضائية
4- ان شاء الله يعود للتليفزيون المصري مجده ويرجعلنا ايام زمان ويعملنا فوازير رمضان
في نجمات من الموجودين دلوقتي ينفعوا في الاستعراض وممكن يعملوا الفوازير تاني وفي كتاب كويسين واكيد مخرجين وتتعمل الفوازير وبردو تكون حصرية للتليفزيون المصري
اتمنى الافكار دي تكون مفيدة
