كتبت :سالي عبدالمنعم
تعالى أقولك الحل
دا اسمه (التنافر المعرفى Cognitive dissonance)
صاحب هذه النظرية ليون فستنجر فى أبحاثه عن الإتزان النفسى قال عنه "أنه يحدث عندما يقع الإنسان تحت تأثير أفكار متنافرة فيحدث داخله نوع من التوتر والإجهاد
ويقصد بالتنافر المعرفي هي حالة من المواقف المتعارضة بين المعتقد والسلوك يصاحبة عادة شعور بعدم الراحة ، وهذا الشعور هو مايجعل الشخص يبحث عن استعادة التوازن بين المعتقد والسلوك بتغييرأحدهم.
متى يصبح هذا التنافر قويا :
1- إذا كان الموضوع مهماً
2- إذا كان الصراع بين الأفكار المتنافرة قوياً
3- إذا كانت هناك صعوبة في إيجاد توافق بينهم
4- إذا كان الموضوع شخصياً ومتعلق بصورة الذات (كأن يرى الشخص نفسة جيد ولكنه مدرك أنه يقوم بأفعال سيئة)
(مثال لو اتعرضت عليك وظيفتين الأولى أنت بتحبيها ومرتبها حلو ولكن مكانها بعيد وضاق بالنسبالك والثانية
فى منطقتك وهتوصلى بسرعة وتريحى نفسك وولادك لكن امتيازاتها أقل من الأولى ومبتحبيهاش أصلا
طبعا هيكون عندك صراع دى ولا دى / أو إنك بتدخنى مثلا
افتكرى كويس الصعوبة مش فى وجود التنافر دا لكن فى طريقة تعاملك معاه عشان تاخدى قرارعلى أساس سليم )
1- (إعادة تقييم السلوك) هو إنك تسيبى السلوك دايتماشى مع إدراكك بيتى وولادى ولا حاجة تعيسة بالنسبالى وتفكرى فى البدائل بهدوء/ أو تفكرى اى اللى هيجرالى من التدخين وهل لو ولادى شافونى اى اللى هيحصل .
2- (إعادة تقييم المعتقد) كأن تقومى بالبحث عن معلومات تقلل من الصعوبات اللى بتواجهك مثلا تشتركى فى سياؤة مع زميلاتك أو تدورى على طريق أسهل ويوصلك أسرع مع التشجيع .أو إنك تدورى على وظيفة ثالثة تناسبك .
وبالنسبة للتدخين هتقومى بالبحث عن معلومات تقلل من خطورة التدخين مع التشجيع على هذا السلوك ببعض العبارات بأن تقومى بالمحافظة على المزاج مثلاً ليتماشى مع سلوكه.
فإحساسك بوجود شعورمزعج حيال هذه التناقضات تُحفز ك بالبحث والتفكير عن مكمن هذا الصراع عشان تعيدى تقييم المعتقد والسلوك بشكل عقلاني.
الحل بذلك يتلخص فى الآتى:
1- تغيير السلوك
2- تغيير السلوك بتغيير الأدراك
3- تغيير السلوك بإضافة إدراك جديد
# سالى عبد المنعم
اختصاصية علاج نفسى وتعديل سلوك
مرحباً بالتعليقات الجديدة .