أسم الوصفة : كيكة الليمون مع الرمان والفستق
مقدم من : فداء حداد
مدة التحضير : 30 دقيقة
مدة الطهي : 45 دقيقة
المكونات :
كاسة وتلات ارباع طحين منخول
ملعقيتين صغار بيكنج باودر
برش ليمونتين
200 غرام زبدة طرية بحرارة الغرفة
كوب سكر
خمس بيضات
15 غرام فانيلا او معلقتين كبار سائلة
ملعقة كبيرة ماء الورد
السيرب :
عصير ليمونتين
نصف كوب سكر
100 غرام فستق حلبي مقطع خشن
للتزيين :
رمان
فستق
الطريقة :
كوب وتلات ارباع طحين منخول مع ملعقيتين صغار بيكنج باودر مخلوطين مع برش ليمونتين ونتركهم على جنب
200 غرام زبدة طرية بحرارة الغرفة نخفقها مع كاسة سكر حتى يتجانسو ويبهت لونهم ونراعي عدم الخفق الزائد بنضيف خمس بيضات كل بيضة على حدة نخفق ونرجع نضيف البيضة اللي بعدها.
بنضيف 15 غرام فانيلا او معلقتين كبار سائلة مع ملعقة كبيرة ماء الورد بنضيف المواد السائلة ونحرك بملعقة خشبية حتى يتجانسوا وبقالب مدهون زبدة وطحين بنصب الخليط وبفرن محمى على 360 او 180 بالفرن و نتركها ما بين 35 دقيقة ل 45 دقيقة .
بنطلعها من الفرن وبنتركها بالقلب لتبرد 10 دقايق بعدين نقلبها بصحن التقديم
لتحضير السيرب عصير ليمونتين مع نص كاسة سكر على نار هادية لحد مايدوب السكر مع التحريك المستمر و بعدين بدنا شي 100 غرام فستق حلبي مقطع خشن نحطه مع السيرب و نقلبه.
بعود خشبي نقوم بعمل فتحات بقلب الكيك لحتى يدخل السيرب و بنحاول بفرشاي ندهن الاطراف بالسيرب فقط و نزين فوق القستق حبات الرمان و صحة وهنا
مدير مطبخ مجلة مملكتي :أ.هالة طارق
مرحباً بالتعليقات الجديدة .