بذلت كل شىء ولم ينصلح حال ابنك اليكي الحل
د.سالى عبد المنعم
اختصاصية علاج نفسى وتعديل سلوك
والله ما نافع معاهم حاجة.... ياما قولنا.. مفيش فائدة.. انسى
أولا:
معاكم حق جدا ان اطفالنا مبيتغيروش ولا بيتعلموا بسهولة
طبعا بس دول أغلى حاجة عندك افتكرى دا جدا
.. طالما شايفين ماما شيفاهم كدا يبقي عمرهم ما هيتغيروا... طالما شايف بابا بيقولو عمرك ماهتتغير يبقي عمره ما هيتغير..
طول ما القناعات دي موجوده في دماغي يبقي والله والله عمر ما ابني هيتغير ولا هيكون زي مانفسي انه يكون ..
خدوها قاعدة كدا ( غير ما في نفسك يتغير ما حولك )
لو انا غيرت تفكيري في ولادي من الاقوال والمعتقدات السلبيه دي وفقا للقاعده دي ابني هيتغير...
خدي قاعدة تانيه.. (كل صفه سلبيه هتركزي فيها في ابنك هتزيد.. وكل صفه ايجابيه في ابنك ركزتي عليها هتزيد وتزيد )
كل كلمه هتقوليها لابنك هيركز عليها وتزيد عنده.. قولتيله بقا مش نافع.. قولتيله مفيش فايده فيك.. قولتيله بطل غباء ..دا اختيارك
كلمة منك لابنك يا تبنيه يا تهده.. ونرجع نشتكي واحنا السبب
كلامك اختيارك.
غيري قناعاتك
خلي ثقتك في ابنك اعلي من توقعاتك فيه
وخلي حسن ظنك في ربك بتغيير ابنك للاحسن طول الوقت موجود
(أنا عند ظن عبدي بي فليظن بي ما يشاء )
فقدان الأمل موت (لك ولطفلك)
من النهارده خدي خطوه انك ما تهيني ابنك بكلمة لو ما ادركها وهو صغير هتتحفر جواه لحد ما يكبر وتبقي حقيقه..
من النهارده خدي خطوة انك متقبلي علي ابنك انا يتهان بكلمه تجرحه حتي لو من والده. ....
بالصح نبدأ.
مرحباً بالتعليقات الجديدة .