مقدم من مطبخ ايمان كامل
مدة التحضير ساعه
مدة الطهى25دقيقه
المكونات
نصف كيلو صدور دجاج
بصلة متوسطة مبشورة ناعم
2 فص ثوم مبشور ناعم
التوابل : ملح , فلفل اسود , نصف معلقة صغيرة قرفة , نصف معلقة صغيرة بابريكا , نصف معلقة صغيرة كمون
1 معلقة كبيرة زيت
1 معلقة كبيرة بقدونس مفروم
لدهان الوجه : زبدة مذابة + عصير ليمون
الطريقة :
للوصفة استخدمت صدور الدجاج بدون جلد او عظم , و قطعتها مكعبات اصغر و ضربتها لوحدها الاول في الفودبرسيسور علشان تنعم , لو استخدمت مفروم دجاج جاهز استغني عن الخطوة دي
- اعواد الشوي المستخدمة نحطها الاول في صينية بها ماء لمدة نصف ساعة , علشان الاعواد ما تتحرقش و كمان بتسهل اننا نطلع الكفتة منها بعد ما تستوي
- ممكن لو عندك شواية استخدميها او ممكن في المقلاة المضلعة اللي علي شكل شواية و بتتحط على البوتاجاز من فوق , و ندهن الشواية دايما بقليل من الزيت
- ممكن تقديم صوص زبادي مع الكفتة عبارة عن خيار مقشر و منزوع البذر و زبادي و نعناع طازج او مجفف , و قليل من عصير الليمون , و نخلطهم كويس جدا و نقدمه بارد جنب الكفتة
1- في مقلاة على النار نضع معلقة الزيت , البصل المبشور , الثوم المبشور و نقلب لحد ما يطروا شوية , نرفع الخليط من على النار و يترك حتى يبرد تماما
2- تقطع صدور الدجاج الي مكعبات صغيرة و توضع في الفودبرسسور و تفرم جيدا لحد ما تنعم - لو عندك مفرمة اللحم ممكن تستخدميها -
3- نضيف خليط البصل و الثوم الي الدجاج المفروم , ثم نضع التوابل , البقدونس المفروم و يعجن الخليط مرة اخيرة
4- ندهن ايدينا خفيف بالزيت لسهولة تشكيل الكفتة , و تشكل الكفتة على شكل كور و نضع كل 3 كور في عود الشوي
5- ترص اعواد الشوي في صينية مدهونة بقليل من الزيت , و عند الانتهاء من تشكيل الكمية نضع الصينية في الثلاجة حتى تتماسك كرات الكفتة
6- نضع الكفتة في فرن مسخن مسبقا على حرارة 200 درجة في الرف الاوسط , من غير ما نغطيها مع التقليب في صينية كل فترة لحد ما تبتدي تحمر من الجهتين يعني تقريبا اخدت نصف سوا
7- نخرج الصينية من الفرن و تدهن بخليط الزبد المذاب و الليمون ثم تعاد الي الفرن مرة اخرى- بدون تغطية - لاستكمال التسوية و تترك حتى تنضج تماما
8- نخرج الصينية من الفرن و تترك لتهدأ قليلا ثم تزيين بالبقدونس و ممكن شرائح ليمون و تقدم مع صوص الزبادي ( اختياري ) .....
مرحباً بالتعليقات الجديدة .