خاطرة اليوم
--------
خاطرة اليوم
--------
بقلم الكاتب إسلام حمدى
في يوم ، كنت مروح من الشغل .. وراكب ميني باص من المهندسين رايح على رمسيس عشان أركب المترو .. وعند منطقة الزمالك ، بنتين ركبوا ووقفوا قدام الكرسي بتاعي .. عرفت من كلامهم بعد كده إنهم بيدرسوا في الجامعة ..
بدأوا يتجاذبوا أطراف الحديث في مواضيع مختلفة عن أحوال الكلية والمواد اللي بيدرسوها وعن الدكاترة والمعيدين .. لحد ما مرينا عند التحرير ومشينا على كورنيش النيل ، وإبتدى الحوار ياخد شكل تاني خالص ..
واحدة فيهم فضلت تتأمل جمال النيل ، ولون المياه الذهبي مع أشعة الشمس وقت الغروب ، والمراكب اللي ماشيه ، والقعدة على الكورنيش قدام النيل مباشرة ..
وبعدين قالت لصاحبتها بصوت فيه نبرة إشتياق : (( تصدقي إن أنا عمري ما قعدت على النيل خالص ، عمري ما جيت هنا ونزلت أتمشى على الكورنيش ..))
ردت عليها صاحبتها بفخر ، وقالت لها : (( إزاي يا بنتي ، ده أنا بابايا كان دايمآ ياخدني ونيجي هنا ، نتمشى ونقعد على النيل ، نتبسط بالقعدة شوية ، وبعدين نروح تاني .. كان دايمآ يحب يفسحني ويخرجني ..))
وسرحت شوية كده بنظرة عينيها ، وكأنها بتعيش اللحظات دي تاني وتستمتع بيها في خيالها ..
ردت عليها صاحبتها وقالت لها بإعجاب : (( الله ، ده باباكي ده أب جميل قوي ، ربنا يخليهولك ، أنا بحب الأبهات اللي بتدلع بناتها كده قوي ..))
وفضلت تمدح في نموذج الأب بتاع صاحبتها وفي طريقة تعامله مع بنته ..
* * *
الحقيقة ، الموقف ده رغم بساطته إلا إنه معلم معايا من ساعتها .. حسيت إن الحوار ده بيمثل نموذجين من الآباء .. كل واحد فيهم قرر يربي بنته بطريقته .. كل واحد سعى على قد ما يقدر إنه يكون أب مثالي ، وأكيد كل واحد منهم كان مخلص في نيته وعمله .. بس لما موقف بسيط مر على البنتين دول ، ردود أفعالهم إختلفت : إشتياق ، وفخر ..
بغض النظر عن البنتين دول بالتحديد ، بس الموقف ده خلاني أتأمل نماذج الآباء في التربية بصفة عامة .. ممكن يكون نموذج ركز على توفير الإمكانيات المادية ، وواحد تاني ركز على بناء الشخصية القوية ، والتالت على تماسك العلاقات الأسرية ، والرابع على التفوق الدراسي ، والخامس قدر يعمل توليفة بين كل الأولويات دي ، والسادس والعاشر ..
مش لازم يكون فيه نموذج واحد بس اللي صح ، ممكن يكونوا كلهم صح .. كل واحد فينا بيتمنى لأولاده أحسن حال ، وبيسعى لهدفه ده بإخلاص .. بس أهم حاجة إنك ماتكونش بتتصرف بعشوائية وتبأه عارف كويس ومقرر إنت هتختار تكون أنهي نموذج فيهم .. وتكون شايف نتيجة إختيارك ده بوضوح ، وراضي عنه تمامآ .. عشان ماترجعش تندم في الآخر ..
#خواطف
في يوم ، كنت مروح من الشغل .. وراكب ميني باص من المهندسين رايح على رمسيس عشان أركب المترو .. وعند منطقة الزمالك ، بنتين ركبوا ووقفوا قدام الكرسي بتاعي .. عرفت من كلامهم بعد كده إنهم بيدرسوا في الجامعة ..
بدأوا يتجاذبوا أطراف الحديث في مواضيع مختلفة عن أحوال الكلية والمواد اللي بيدرسوها وعن الدكاترة والمعيدين .. لحد ما مرينا عند التحرير ومشينا على كورنيش النيل ، وإبتدى الحوار ياخد شكل تاني خالص ..
واحدة فيهم فضلت تتأمل جمال النيل ، ولون المياه الذهبي مع أشعة الشمس وقت الغروب ، والمراكب اللي ماشيه ، والقعدة على الكورنيش قدام النيل مباشرة ..
وبعدين قالت لصاحبتها بصوت فيه نبرة إشتياق : (( تصدقي إن أنا عمري ما قعدت على النيل خالص ، عمري ما جيت هنا ونزلت أتمشى على الكورنيش ..))
ردت عليها صاحبتها بفخر ، وقالت لها : (( إزاي يا بنتي ، ده أنا بابايا كان دايمآ ياخدني ونيجي هنا ، نتمشى ونقعد على النيل ، نتبسط بالقعدة شوية ، وبعدين نروح تاني .. كان دايمآ يحب يفسحني ويخرجني ..))
وسرحت شوية كده بنظرة عينيها ، وكأنها بتعيش اللحظات دي تاني وتستمتع بيها في خيالها ..
ردت عليها صاحبتها وقالت لها بإعجاب : (( الله ، ده باباكي ده أب جميل قوي ، ربنا يخليهولك ، أنا بحب الأبهات اللي بتدلع بناتها كده قوي ..))
وفضلت تمدح في نموذج الأب بتاع صاحبتها وفي طريقة تعامله مع بنته ..
* * *
الحقيقة ، الموقف ده رغم بساطته إلا إنه معلم معايا من ساعتها .. حسيت إن الحوار ده بيمثل نموذجين من الآباء .. كل واحد فيهم قرر يربي بنته بطريقته .. كل واحد سعى على قد ما يقدر إنه يكون أب مثالي ، وأكيد كل واحد منهم كان مخلص في نيته وعمله .. بس لما موقف بسيط مر على البنتين دول ، ردود أفعالهم إختلفت : إشتياق ، وفخر ..
بغض النظر عن البنتين دول بالتحديد ، بس الموقف ده خلاني أتأمل نماذج الآباء في التربية بصفة عامة .. ممكن يكون نموذج ركز على توفير الإمكانيات المادية ، وواحد تاني ركز على بناء الشخصية القوية ، والتالت على تماسك العلاقات الأسرية ، والرابع على التفوق الدراسي ، والخامس قدر يعمل توليفة بين كل الأولويات دي ، والسادس والعاشر ..
مش لازم يكون فيه نموذج واحد بس اللي صح ، ممكن يكونوا كلهم صح .. كل واحد فينا بيتمنى لأولاده أحسن حال ، وبيسعى لهدفه ده بإخلاص .. بس أهم حاجة إنك ماتكونش بتتصرف بعشوائية وتبأه عارف كويس ومقرر إنت هتختار تكون أنهي نموذج فيهم .. وتكون شايف نتيجة إختيارك ده بوضوح ، وراضي عنه تمامآ .. عشان ماترجعش تندم في الآخر ..
#خواطف
مرحباً بالتعليقات الجديدة .