حلا الديسباسيتو

حلا الديسباسيتو  

مقدم من :roro kitchen

المكونات :

كيك شكولاته جاهز
كوب حليب سائل
ملعقة كبيرة سكر
ملعقة نسكافيه
ملعقة نسكويك
علبة موس شوكولاتة
نصف كوب حليب سائل
ملاعق كبار نوتيلا
100غرام كريمة سائلة
100غرام شوكولاتة

الطريقة :

كيك شكولاته جاهز بتخبزيه عحسب التعليمات وبس تطالعيه بتتركيه ليبرد بعدين بتفتتيه وبتوزعيه بداخل الكاسات او أكواب ورقية وبتحضري كوب حليب سائل بتضيفيله ملعقة كبيرة سكر وملعقة نسكافيه 3*1 وملعقة نسكويك وبتسقي الكيك .

بعدين بجهز الكريمة بتحضير علبة موس شوكولاتة وإذا مو متوفرة بتستبدليها بظرفين دريم ويب مع ملعقتين طعام كاكاو خام وملعقة سكر بودرة وبتخفقيهم منيح مع نص كوب حليب سائل وبتخفقيهم بعدين بنصيبي 3 ملاعق كبار نوتيلا وترجعي تخفقيهم بعدين بتحطي 100غرام كريمة سائلة مع 100غرام شوكولاتة عالنار لتصير جناش بتضيفي الجناش الكريمة وبتقلبيهم مع بعض وبتوزعيها فوق الكيك وبتدخليها البراد ساعتين ووقت التقديم بتزينيها بأي شي حسب الرغبة كيت كات أو جلاكسي أو كيندر أو اوريو أو إم آند إمز وساويت خطوط بشراب الهيرشيز والف صحة