مقدم من مطبخroro.kitchen
مدة التحضير ساعه
مدة الطهى 15دقيقه
المكونات
كوب سميد وسط
4 اكواب طحين
كوب ونص زبدة
نص كوب زيت
كوب ماي
ربع كوب سكر بودرة
ملعقتين كبار حليب بودرة
ملعقة صغيرة بيكنج بودر
ملعقة كبيرة محلب واذا مو متوفر بتحطي ملعقة كبيرة يانسون مطحون ونص ملعقة شومر
رشة صغيرة قرفة
بجاط بحط السميد والزبدة والزيت وبفرك السميد منيح بالدهن بعدين بحط السكر والبهارات وبفرك مرة تانية بعدين بضيف الطحين والبيكنج بودر وكوب الماي وبعجنها منيح واذا حسيتو العجينة قاسية ضيفو شوية ماي لتصير طرية متل العجين لأنو نوع الطحين والسميد بيختلفوا بعدين بغطيها وبريحها ساعة او ساعة ونص
بجهز الحشو
نص كيلو تمر منزوع النواة بعجنو بتلت كوب سمنة طيبة وملعقة كبيرة ماء زهر
بعجنهم وبشكلهم اصابع طولية رفيعة
طريقة التشكيل
بفرد نايلون طعام وباخد جزء من العجينة وبغطيها بالنايلون وبفردها بالشوبك منيح لتصير رقيقة بساويها عشكل مستصيل بالسكين وبحط اصبع تمر ولازم يكون نفس مقاس العجينة وببلش لفها مرتين وبقطع وباخد اصبع العجينة بدحرجو منيح عالرخامة ليصير متناسق بكون مجهزة 3 اطباق
-طبق بحط فيه نص كوب حليب سائل مع ملعقتين كبار حليب بودرة وبخلطهم مع بعض
-طبق بحط فيه كوب سمسم
-طبق فيه كوب جوز هند
باخد اصبع التمر بغطه بالحليب من جهة الأعلى فقط ونفس الجهة بغطها بالسمسم او جوز الهند وهيك لتخلص الكمية وبصفهم بصينية مدهونة زبدة وعالفرن تقريباً ٢٠دقيقة على درجة حرارة 180ليستوي وممكن اقل عحسب نوع فرنك المهم يشقر من تحت بطفي وبشعل من فوق ليشقر الوجه بطالعو وبتركو ليبرد تماما وكل مابرد صار اطيب واطيب والف صحة
مرحباً بالتعليقات الجديدة .