كيكة الجزر و الجوز
مقدم من : roro kitchen
المكونات :
3 بيضات
كوبين طحين
كوبين جزر مبشورين
كوب جوز مكسر بحجم حبة الزبيب
كوب سكر
نص كوب زيت
نص كوب حليب سائل
ملعقة صغيرة فانيليا
ملعقتين صغار بيكنج بودر
ملعقة صغيرة قرفة
نص ملعقة صغيرة ملح
نص ملعقة صغيرة كربونات الصوديوم
الطريقة :
بوعاء بخفق البيض والسكر والفانيليا ليتضاعف حجم البيض بضيف الزيت والحليب الجزر وبخفق مرة تانية بعدين بضيف الطحين والبيكنج بودر والقرفة وكربونات الصوديوم والجوز وبخلط المكونات منيح بمضرب يدوي بجهز قالب وبدهنو بزبدة وبعفره بالطحين وبسكب خليط الكيك وعالفرن ساعة الا ربع عدرجة حرارة 180 بطفي من تحت وبشعل من فوق دقيقتين وبطفي وبترك الكيك ليبرد تماماً بعدين بقلبو بطبق التقديم وصار معك خيارين اما تزيينيها بالصوص او الكريمة .
لتحضير الصوص الأول:
كوب حليب مكثف 4 مكعبات كيري ظرف دريم ويب بخفقهم منيح بالمضرب الكهربائي وبوزعهن عوجه الكيك واذا الصوص طلع سميك خففيه بالحليب المكثف واسكبيه على الكيكة .
للكريمة وهاد اللي استخدمتها ظرفين دريم ويب 5مكعبات كيري فنجان حليب بودرة ملعقتين كبار قشطة بخفق الكريمة اول شي لتسمك برجع بضيفله الكيري والحليب البودرة والقشطة وبخفقهم منيح وبزين فيهم الكيك واخدت كمية من الكريمة قسمتها لقسمين قسم ضفتله لون اورانج والقسم التاني لون اخضر وزينت فيه عشكل جزر والف صحة
مرحباً بالتعليقات الجديدة .