أسباب وطرق التخلص من السيلوليت.
بقلم / اميره محمد الشرقاوى
هذه المشكله تسبب عقده نفسيه لكثير من البنات والسيدات على الرغم من جمال الجسم وتتاسقه إلا أنه أحيانا تظهر هذه المشكله
هتكلم عن أنواعه ، أسبابه وعلاجه و اكلات بتساعد علي التقليل من شكله
النوع الأول : بيبقي بسبب زياده الخلايا الدهنية تحت الجلد و خصوصا الفخد و الأرداف
النوع التاني : عدم تناسق في الأنسجة العضليه
المهم أن علاجهم واحد
الأسباب :
قله شرب المياه و كتره الكافيين
فاست فودز و أكل مليان دهون و بلاوي
التدخين
قله ممارسه الرياضه و خصوصا اللي فيها ضغط على الجسم
تغيرات هرمونيه
-ما هو علاج السيلوليت ؟
-نظام غذائي صحي : مش لازم تحرمي و تجوعي نفسك بس علي الأقل ابعدي عن الزيوت المهدرجه و أكل المطاعم و ركزي علي الفاكهه و الخضار و البروتين و منتجات الألبان
- اشربي مياه اشربي مياه اشربي مياه كتيييييييييييير علشان دي اللي هترطب جلدك و هتحافظ عليه
- الرياضه و ليس بالضرورى الذهاب للجيم ممكن في البيت كام تمرينه بتركزي فيها علي رجلك 3 مرات في الأسبوع وبيختلف البرنامج حسب جسمك و المشكله هتتحل مع الاستمرارية
لا يوجد كريمات أو أجهزه بتعالج السيلوليت لأن ببساطه مفيش كريم أو جهاز هيحرق الدهون و يشد الجسم و ينسق الأنسجة العضليه
-سكراب القهوه من الحاجات اللي بتساعد علي التقليل من شكل السيلوليت بنسبه بسيطه
معلقتين قهوه و 3 معالق زيت زيتون و معلقتين سكر تخلطيهم و تعملي بيهم مساج علي المكان اللي فيه المشكله 5 دقايق عكس عقارب الساعة من 4 ل 5 مرات في الأسبوع قبل الشاور
-اكلات بتساعد في تقليل السيلوليت
١-زيت الزيتون
٢-خل التفاح
٣-التوت
٤-اللب السوري
٥-الشاي الأخضر
٦- المأكولات البحرية
مرحباً بالتعليقات الجديدة .