انجليش كيك بالزبيب

مقدم من مطبخ ايمان كامل

مدة التحضير ساعه

مدة الطهى45دقيقه

المكونات

2 كوب دقيق , رشة ملح 

ثلاثة ارباع كوب زبدة بدرجة حرارة الغرفة ( 150 جم ) 

كوب سكر بودرة 

4 بيضات بدرجة حرارة الغرفة 

2 معلقة صغيرة بيكنج بودر 

معلقة صغيرة فانيليا 

ثلاثة ارباع كوب زبيب 

2 معلقة كبيرة حليب سائل - مش اكتر بس تخلي خليط الكيك يلف اثناء الخفق - 

الطريقة : 

انجليش كيك بالزبيب ..... 

- الزبيب اللي في الوصفة انا عملته في البيت و ممكن لو عندك جاهز استخدميه 

- علشان الزبيب ما يهبطش , حطي الزبيب في مصفاة سلك و حطي عليه معلقة دقيق كبيرة و هزي المصفاة و الزبيب في قلبها , لحد ما الدقيق يغلف حبات الزبيب كلها و الدقيق الزائد حينزل من المصفاة 

- الزبيب اخر حاجة بنضيفها في الوصفة و نوقف الخفق و نقليبها بالمعلقة 

- ممكن تبدلي الزبيب بالفواكه المجففة المقطعة صغير و نعمل معاها زي الزبيب بالظبط 

1- يسخن الفرن كله على 180 و حنحط الكيكة في الرف الاوسط , و يدهن قالب الكيك بالسمن و يرش بالدقيق 

2- تنخل المواد الجافة ( الدقيق , الملح , الفانيليا , البيكنج بودر ) 

3- نخفق الزبد مع السكر البودرة حتى يصبح الخليط كريمي , ثم يضاف البيض واحدة بواحدة _ نضيف بيضة و نخفق و لما تختفي نضيف الثانية و هكذا 

4- نضيف المواد الجافة المنخولة على دفعتين او ثلاثة مع الاستمرار في التقليب ثم يوقف الخفق و يضاف الزبيب اللي جهزناه بالدقيق و يقلب بالمعلقة مع الخليط 

5- يصب الخليط في القالب المجهز و نضع القالب في الفرن و ما نفتحش خالص الا بعد 20 دقيقة , لو اكيكة وشها احمر و القلب لسه نغطي الكيكة بالفويل او أي غطاء مناسب و تترك حتى تنضج تماما 

6- نخرج الكيكة من الفرن و تترك لتهدأ في القالب لمدة 10 دقائق ثم تقلب و تترك لتبرد تماما ثم تقطع و تقدم .....