بقلم/ دينا سمير موسى
الذى وثقه بكى وجعلكى زوجته وأم اولاده
...............
*** مش معنى بيقولك حاضر ونعم ويوافقك على كل شئ .
يبقى مالوش شخصيه ...
بالعكس هو لو شخصيتو ضعيفه كان هايعوضها بالرفض بدون سبب
لكن دا معناه ان هو باراعى ربنا فيكى وعارف امتى يشد وامتى يرخى
واكبر دليل
كلام الرسول عليه اذكى الصلاة والسلام
قال استعيذو من قهر الرجال
دا معناه ان الرجل لو قلبو اسود اكيد هايبقى انسان تانى
احذرى احذرى احذرى يوصل لكده.....
*** مش معنى انو مش بيفسحك ويشتريلك كل طلباتك الشخصيه ..
يبقى بخيل...
ممكن يكون ظروفو صعبه ومش عاوز يقولك و تحملى همه ،،،،
*** مش معنى انو دخل من بره عليكى وهو مكشر وملامح الغضب على وجهه..
يبقى بيرسم عليكى دور سى السيد ...
ممكن يكون مديرو اهانو فى الشغل او سمعو كلام لايتحملهو بشر وهو اتحملو
وحبس دموعه جوه عينو
عشان يوفرلك حياه كريمه انتى وابنائك..
واجبك انك تستقبليه بالحب والابتسامه وبعدين تستفسرى
*** مش معنى انو مقصر فى المجاملات العائليه والمناسبات...
يبقى قليل الاصل ....
يمكن هو ادرى بظروفو الماديه وبيحاول يغلق على نفسه الابواب عشان مش هايقدر يكفى بره وجوه
*** مش معنى انو مقصر فى حقوقك الشرعيه
يبقى يعرف واحده...
ممكن يكون نفسيتو مش مظبوطه وخايف يتحرج قدامك
*** مش معنى انو بيعاكس او بيهزر او حتى عينو زايغه
يبقى فلاتى وبتاع نسوان ..
لالا خالص لازم تقتنعى بحاجه ...ان مفيش راجل عينو مش زايغه
حاولى تفهمى كده فما تخنئيش عليه خاليه يعاكس قدامك احسن ما يعمل كل حاجه من وراكى
انتى مش هاتعرفى طبيعه الراجل اكتر من رب العلمين اللى خلقه
واعطاه صلاحيه 4 نساء ومش بس كده لا وكمان ماملكت ايمانكم
فبلاش تعملى ناصحه وخلاص
انتى ممكن تخديه من كل حاجه بره بليونه اللسان وكلامك الطيب
صدقينى مفيش حد اتولد وحش
اللى حولينا هما اللى بيفرضو علينا نطلع الوحش اللى جوانا
فخليكى من النساء اللى تفرض على زوجها يخرج الحلو اللى جواه
بكلامك اللين
صدقينى انا مش بدافع عن الرجل ولكن اعلمى ان
{ لسان المرأه هو السهم الذى يوجه الرجل لاى شئ سواء صالح او سئ }.
مرحباً بالتعليقات الجديدة .