قفلت الباب
بقلم-نهي نصر
قفلت الباب ورايا على كل حلم انا حلمته
وجيبت معايا اليأس وحبيته وصاحبته
ماهو كل اللي يضيع حلمه ده من قلة بخته ومن خيبته
ياريت الزمن كان بيرجع وانا كنت من تاني رجعته
وأي حلم جميل ليا قبل ما يتولد كنت موته
عشان لا افتكره ولا افتكر انه كان حلمي وضيعته
حتى احترامي انا فقدته لكل انسان احترمته
اللي جواه قلب صافي عمري في يوم ما قابلته
واللي مليان حنان دافي ماجاش اليوم وصادفته
وكأن كل انسان حاقد دورت عليه انا وجيبته
التعلق بالأمل ياريتني في يوم ما عرفته
اما بقى حلم الحب فيخربيت معرفته
كان أول حلم صدقته وده أول حلم انا خسرته
حلم هرب وضاع مني و اصلا عمري ما شوفته
اوعي يا احلامي تاني تيجي على بابي وتخبطي
لا ها اسأل فيكي ولا ها افتح املي خلاص انا ودعته
