معنى الحب
بقلم- نهي نصر
الحب كلمة ووعد مش مقابلات وتليفونات
الحب أمانة وعهد مش ولاد تمشي مع بنات
الحب اعلان واشهار مش تهريج واشتغالات
الحب توثيق وتأبيد مش تسلية وتظبيطات
الحب كلام بجد مش تجارب وعلاقات
الحب هبة من الرحمن مش هزار ومعاكسات
الحب اجمل ما في الحياة الحب صمود وتضحيات
الحب كلام من جوة القلب مش ابتسامات ومشاغلات
الحب مشاعر محبين وصدفة حلوة وذكريات
الحب ما لناش فيه ارادة ما يجيش بالنية أو الاتفاقات
الحب يجمع بين اتنين مش ولد وأورطة بنات
الحب محتاج شوية عقل يتحكم في التصرفات
انما لو حكمت عليه بالعقل يبقى خلاص الحب مات
الحب صلة بين قلبين تتخطى كل المسافات
الحب الحقيقي لازم ينتصر على كل التحديات
الحب لازم نعدي بيه ويعدي بينا الازمات
الحب الصادق لازم يكمل مش يبقى ذكرى لحب فات
الحب احساس في القلب واخلاص حتى الممات
هو ده الحب عندي في أي تعليق أو اعتراضات؟
