ازاى اهتم بنفسى قبل فرحى بشهر وكل يوم وصفه جديده

ازاى اهتم بنفسى قبل فرحى بشهر 

وكل يوم وصفه جديده 

كتبت خبيرة التجميل والعناية بالبشرة / أسماء محسن. 

اليوم الاول 

- هتعملى سكرب للبشرة : مكون من سكر على زيت زيتون وافركى بشرتك 5 دقائق بحركه دائرية وبعد كده اغسليه 

- حمام زيت للشعر : زيت زيتون ، زيت جوز الهند ، زيت خروع ، جل صبار افركى بيهم شعرك وسيبيهم ساعتين 

- ابردى اظافرك 

- افركى جسمك كله بملح الحليب مافيش ملح حليب بديلو سكر وزيت زيتون 

- ادهنى جسمك كلو زيت جونسون 

- وحطى على شعرك سيروم ( دابر املا ، زيرو فريز ) 

- وحطى على وشك وايديك كريم 

اليوم الثانى 

- هنعمل ماسك للبشرة مكون من معلقه عسل ومعلقه لبن سيبيهم على وشك 

- هنعمل ماسك للجسم كله بودره جونسون عليها زيت جونسون ونخفف بمائه ورد 

- اللبس بونيه على شعرك اغسلى جسمك وشك ومتنسيش تحطى كريم على وشك وزيت جونسون على جسمك

اليوم الثالث 

- هتمسحى وشك كله بزيت جونسون وسيبيه 

- هتفركى جسمك بسكر وزيت زيتون 

- هتغسلى جسمك وشك ومتنسيش الكريم على وشك و لوشن المره دى على جسمك وممكن لوشن جونسون بردو 

اليوم الرابع 

- هنعمل حمام بخار للوجه 

وتحطى ف المايه ورق نعناع وتحطى وشك فى البخار وغطى وشك بفوطه عشان البخار يجى على وشك كله و سيبيه لحد ما تحس أن وشك كله بقه مايه 

هتجيبى قطنه فيها مائه ورد ويحرمه دائرية على وشك وسيبيها تنشف ومتنسيش تقفلى مسام بشرتك بتلجه 

- افركى جسمك بزيت الزيتون والسكر 

اليوم الخامس 

- جيبى بخاخه وحطي فيها مائه ورد ورشة على وشك وسيبيها تنشف 

- رطبى بشرتك بكريم مرطب 

اليوم السادس 

- هتدهنى وشك بودرة جونسون وزيت جونسون 

- هنعمل حمام كريم للشعر مكون من اى حمام كريم عندك معلقه واحده ومعلقه مايونيز ومعلقه زيت زيتون ومعلقه سيروم دلكى فروة رأس وسيبيها على شعرك نص ساعه 

- ادخلى اغسلى جسمك مع الشاور جيبى معلقتين سكر وفركى جسمك بيهم 

- متنسيش الكريم المرطب على البشرة وزيت جونسون على جسمك 

اليوم السابع 

- هنعمل ماسك للوجه مكون من خياره ومعلقتين زبادى هتضربيهم فى الخلاط وافرديهم على بشرتك 

اليوم الثامن 

- هنعمل ماسك للجسم والوش مكون من ترمي مطحون وعليه معلقتين عسل و زبادى ومايع ورد وسيبيهم لحد ماينشوفو عليكى وبعدين افركى فى حركه دائريه و يكون احسن لو بليفه مغربى 

اليوم التاسع 

- ادهنى وشك وجسمك مائه ورد وزيت زيتون وزيت جونسون 

اليوم العاشر 

- هنعمل ماسك للبشرة زبادى وعسل وسيبيهم على وشك ربع ساعه واغسلي وحطى كريم مرطب 

- هنفرك جسمنا بزيت زيتون وسكر وزبادى 

استنى بكرة فى ١٠ ايام اخرى واتمنى يارب تكون للاستفادة من وصفات سهله وبسيطه ومش مكلفه مبروك يا عروسه مقدما 

رئيسه قسم أسرار الجمال بمجله مملكتى أ / اميره الشرقاوى.