عناية العروسه قبل فرحها
كتبت خبيرة التجميل / أسماء محسن
بعض النصايح عشان بشرتك وجسمك
1- تشربي مايه كتير بعد الفطار بمعني كوبايتيتن مثلا كل ساعه
2- لو خارجه بره تحطي صن بلوك وتلبسي طاقيه
3- تلبسي حاجت قطن وبلاش بضيهات
4- تقللي من الحلويات عشان وزنك ميزيدش
5- العبي رياضه حتي لو مشي
6- بلاش تخلي شعرك دايما مربوط
اول حاجه قبل الفرح بشهر
اسكرب طبيعي يكفيني لشهر
اسكرب الجسم عبارة عن :
( سكر - رز مطحون - بيكربونات الصوديوم - شوية زيت لوز حلو او جونسون - جلسرين - ممكن زيت عطري)
بحطهم في برطمان مقفول
كريم مرطب لجسمي
( كريم جونسون وعليه شوية زيت جونسون وعليهم كبسولتين فيتامين e )
بعمل زيوت وحاجات مش كتير علي بعضها وبسيبهم
( زيت خروع - زيت زيتون - زبدة شيا ) دول عشان شعري
اوتجيبى جاهز اللى تحبيه
بالنسبة لجسمي
بستخدم الاسكرب مرة بالاسبوع وبحطه علي جسمي وبدعك بالليفه المغربي لو مش عندك مش مشكله وبيكون يوم معين اربع او خميس مثلا
(بالنسبة لركبي وكوعي ومنطقة الاندر ارم بستخدم زي ماسك بس ده مبيتخزنش
( عسل -ليمون - زيت لوز حلو )
ربع ساعه بسيبه وبعدين أغسل المنطقة الي حاطه عليها الماسك
ممكن اسكرب برضو للمنطقة دي
( ليمون وسكر )
بالنسبة لرجلي :
اسكرب
( زيت زيتون - سكر - جلسرين )
تقدري برضو تخزنيه في برطمان
مرة كل أسبوع
وأهم حاجه كل م ألاقي عندي وقت فاضي بحط رجلي في مايه سخنه 10 دقايق كده وبعدين بدعكها بحجر كده الي هو بيتجاب من عند الصيدليه بدعك منطقة الكعب عشان متبقاش ناشفه ومش حلوه
بحط كريم بعمله برضه
( فازلين - جلسرين - شوية زيت جونسون ممكن رشة دم غزال عشان يديكي لون )
نسيحهم علي حمام مائي وتستخدميه كل يوم قبل ما تنامي وتلبسي كيس وبعدين شراب واتفرجي علي نعومة رجلك الصبح
أيدي :
اسكرب
ليمون ونشا بدعك بيهم أيدي وبيفتح إيدك
كريم
( زيت ورد - زيت لوز حلو - فازلين )
قبل ما تنامي برضو
ضوافري
ليمون بدعك بيه ضوافري
شفايفي :
اسكرب زبت زيتون وسكر
مرطب فاذلين
اما روتيني اليومي لوشي فانا ماشيه علي علاج فمينفعشي اقولكم عليه لانه مش كله هيمشي عليه بس اهم حاجه الصن بلوك
ده روتيني الاسبوعي بالنسبة لوشي
انا كشفت عند دكتورة طلعلي حبوب او حاجه زي الحبوب في أماكن معينه وطلعت حساسيه من الشمس فانا ماشيه علي العلاج بس أهم حاجه الصن بلوك عشان متسمريش olver ده لوشن كاتبالي عليه لوشي وأيدي ممكن تستعملوه لأن مكوناته حلوه وبترطب الوش وفيه فيتامين c ومستخلصات الزيتون وحاجات تانيه مفيهوش كيميكال كتير
الماسكات :
كل يوم او يوم اه ويوم لا ده بالنسبة لماسكات التفتيح )
اهم حاجه الماسك او الاسكرب تجربيه علي وشك من منطقة تحت الخد كده قريبة من الدقن وتشوفي إذا ممكن يعملك حساسية او لا
ماسك التفتيح
( عسل - لبن بودره - نقط من اللبن الطبيعي )
عشان اسمريت من الشمس
ممكن برضو زبادي وخيار حلو برضو بيفتح
(بتضربي الخيار وتحطيه علي الزبادي وبتسيبيه ربع ساعه وتشيليه
اسكرب مرة بردو في الأسبوع
( شاي أخضر - عسل - سكر )
حمام بخار مرة في الأسبوع
مايه سخنه بشوية نعناع وأحط وشي علي المايه بس بعيد وأحط فوطه عليا عشان البخار ميطلعش
وبعمل زي ماسك كده بيتشال زي الماسك الاسود بحطه بعد حمام البخار علي انفي عشان الرؤوس السوده
(( معلقتين صغيرة جيلاتين - معلقتين كبار ماء - كبسولتين اوكاربون بس بيطحنيهم )
بتقلبيهم علي بعض لغاية ما يسيحو وبتحطيه علي منطقة الانف وبتشيليه لما ينشف
حاجه كده بتنعش الوش
بتجيبي خياره وبتقشريها وبتضربيها وبتحطيها في بتاعة التلج وبتسيبيها تجمد ولما تبقي راجعه من برا تطلعي تلجايه وتمشيها علي وشك وبتحسي بانتعاش
شعري :
بستخدم شامبو nerso للقشره الدكتورة برضو كاتبالي عليه بس لسه معرفش هيجيب نتيجه ولا لا بقالي اسبوع بستخدمه مرة كل 3 ايام
حمام زيت لشعري وتقدري برضو تخزنيه
( زبدة شيا - زيت خروع - زيت زيتون )
لما تستخدميه بتسيحيه علي حمام مائي وبتحطيه علي شعرك كله وبتحطي كيسه أو بونيه وبتسيبيه أربع ساعات او خمسه ممكن تحطيه الساعه 11 او 12 وتنامي وكده تكوني مضيعتيش وقت
اتمني الريفيو يعجبكم
رئيسه قسم أسرار الجمال بمجله مملكتى أ / اميره الشرقاوى.
