هام لكل اب وام بمناسبة العودة للمدارس

هام لكل اب وام بمناسبة العودة للمدارس

كتب- د.احمد جلال

ماجستير مهنى فى الارشاد الاسرى

دراسات عليا فى تربية الطفل والصحة النفسية
عضو مجلس علماء مصر

كل عام وانتم بخير ...
إحنا داخلين على أيام الدراسة ... وطبعا الأب والام .. يعلنون حالة الطوارئ ... ... فيمنعوا اللعب .. ويتم قفل الكمبيوتر والتلفاز .. ويتم منع الزيارات ... و ..... و..... و...... لماذا كل هذا؟؟؟؟؟؟؟ ... اريد منكم قبل البدء فى حديثى .... ان ننظر نظرة كاملة الى كيف يمر اليوم الدراسى على ابنائنا ( ١ساعة تحضير للذهاب للمدرسة + ٨ساعات مدرسة + على الاقل من ٣الى ٤ ساعات دروس وتحفيظ قران مثلا + ٣ساعات مذاكرة واعداد الواجب تقريبا ... + ٨ساعات تقريبا نوم...)كل ده ومحسبتش ساعات للعبه وراحتة وتفريغ الشحنة والضغطة الكبيرة من وراء الدراسة والعبء النفسى والجسدى عليه ... لان بالفعل كل هذا بيمثل عبء وضغط كبير عليه ... ومعظم الاضطرابات اللى عند اولادنا (كعناد وعصبية.. و...و.... )جزء كبير منها سببه ضغوط الدراسة ... ولا يتم تفريغها صح للاسف ... فيبدا مستواه التعليمى يقل ... ويروح المدرسة والدرس بالعافية ... ولما تيجى تذاكرى معاه ... يبقى هيطلع عينك معذرة ... ده بيكون طلعها خلاص ... وجاب القولون لحضرتك وده اقل شيىء ....
طيب هتقولى وإحنا نعمل إيه ؟؟؟؟هقولك ... لازم تتعامل مع إبنك أو إبنتك ..بأنه (عقل وقلب وجسد ) اوعى تتعامل معه على أنه عقل وعايز تحشيه شوية معلومات وقرءان ولغات وهكذا ... وخلاص على حساب قلبه وجسده ... دون ان تراعى ان تملئ جسده وقلبه ...فهم أشد الاحتياج الى أن تملئهم ويكون صح .....
لازم نعمل توازن....بمعنى .... لازم تقسم وقت إبنك فى اشباع جسده وعقله وقلبه... اوعى تفكر فى الحشو العقلى ....على حساب جسده ...
ملحوظة.. كل وقت بيجلسه فى الدراسة.. ( اشباع عقلى ) محتاج ربع الوقت فى تفريغ طاقته ورياضة مثلا (اشباع جسدى).... و ايضا محتاج كلمات التشجيع والحب والقبول ولمسات الحنان والامان ... (اشباع عاطفى (قلبى))
او على الاقل ١٠٪ من وقت الدراسة والمذاكرة ... بمعنى .... ٨ساعات مدرسة تحتاج على الاقل ... ساعة او ساعة ونصف على الاقل تفريغ طاقة ...... وهكذا
... التفريغ يكون ازاى .. ... رياضة او العاب كمبيوتر ... انشطة معينة ... كراتية ... لا بأس فترة بسيطة كرتون ..... الخ.
...المقصد من منشورى هذا ... التوازن بين احتياجات إبنك الاساسية التى لا غنى عنها ..... البدنية .. والجسدية والعقلية والنفسية والقلبية ... واحذر من اشباع او اعطاء جانب على حساب جانب اخر ... سينشأ طفل به بعض. الاضطرابات ...
... معذرة للاطالة ...
ولنا تكملة ان شاء الله ...