كتبت/شرين الهوارى
حد يعرف يعنى ايه ال dress code . اكيد فينا اللي يعرف و في اللي ميعرفش و لا عنده اي معلومة وده
واضح قوى لانى فعلا للاسف بقيت اشوف ناس لابسة لبس ملهوش اي علاقة بالمكان اللي متواجده و لا بالمناسبة .. حضرتك شيك مقولناش حاجة لكن البسي اللبس اللي يناسب المكان و المناسبه .. و علي فكرة ده من الشياكة و الاتيكيات و برتكول كمان
ايوة اختيار اللبس و تنسيقه ليه قواعد و لازم نفهما و نعرفها يعنى مش نلاقي مذيعة طالعة علي التليفزيون و لابسة بيجاما انتى مش فاوضه نومك حبيبتى انتى بيشوفك ملايين و البيجاما مكانها البيت مش فالتليفزيون و لا لابسة طاقية كابتن طيار انتى مش قاعده فالشمس و لا هطيري بينا ... حاجات كتير من هذا القبيل زى ما بيقولوا لكل مقام مقال
و لا نازله تقعدى فكافية و كأنك معزومة علي العشا في فندق خمس نجوم .. انتى مش راحة تعملي فاشون شو يا حبيبتى
و لا راحة تعملي انتريفيو شغل و لابسة جينز مقطع و بادى كت لا حبيبتى انتى راحة تشتغلي ميصحش كده و اول انطباع عنك هو مظهرك اللائق المحترم . لو هفتح فالموضوع ده بقي في تلوث بصري والله فموضوع اللبس ده .. لازم كل سيدة تعرف و تفهم قواعد اللبس لازم تعرفى تلبسي ايه و انتى راحة الشغل و كمان حسب طبيعة شغلك في لبس مسموح و لبس غير مسموح تلبسي أيه و انتى راحة النادى تلبسي ايه و انتى راحة سهرة او عشا مع اصحابك و هيفرق طبعا لو انتى خلرجة مع جوزك مثلا او عشاء عمل كل وقت و مكان ليه اللبس المناسب هتلبسي ايه و انتى راحة فرح الطهر غير و انتى راحة فرح بالليل فى فندق هتلبسي ايه و انتى خارجة الصبح تشربي قهوة مثلا مع اصحابك و لا هتلبسي ايه و انتى عن: مقابله شخصية بتقدمى علي وظيفة كل ده مهم ليكى قوى يا سيدتى الجميلة أرجوكى تهتمى بالتفاصيل الصغيرة دى المهمة جدا" لأنها الانطباع الأول عنك و الأنطباع الأول يدوم ..
و طبعا ممكن نعمل سيرش علي جوجل هنلاقى صفحات كتير باللغة العربية و الإنجليزية بتشرح بالتفصيل قواعد و اختيار اللبس
مرحباً بالتعليقات الجديدة .