السينابون

مقدم من مطبخ ايمان كامل

مدة التحضير ساعه 

مدة الطهى 25 دقيقه

المكونات

- عجينة السينابون :

4 اكواب دقيق - قابل للزيادة 

معلقة صغيرة ملح

معلقة صغيرة فانيليا

معلقتين و ربع صغيرة خميرة جافة فورية

معلقة كبيرة سكر عادي مش بودرة

كوب حليب دافئ

نصف كوب سكر بودرة منخول

ثلث كوب زبدة طرية بدرجة حرارة الغرفة = 75 جم

2 حبة بيض بدرجة حرارة الغرفة

- الحشو :

كوب سكر بني + 3 ملاعق كبيرة قرفة + ثلث كوب زبدة طرية بدرجة حرارة الغرفة ( 75 جم )

- تخلط المكونات السابقة جيدا , و باخلط الزبدة معاها مش بافردها على العجين الاول و ده لسببين , ان المكونات حتندمج مع بعض و تدي نكهة اقوى للسينابون , و كمان لما بيدخل السينابون الفرن و سكر الحشو يدوب

حيفضل ماسك في السينابون مش حيخرج بره و يسيح

التزيين :

6 ملاعق كبيرة زبدة ( 85 جم ) + كوب و نصف سكر بودرة + ربع كوب جبن كريمي ( 55 جم او ثلاث مربعات جبن كيري ) + معلقة صغيرة فانيليا + رشة ملح

- تخلط المكونات السابقة جيدا و تغطى و تحفظ بدرجة حرارة الغرفة و توضع على السينابون اول ما يخرج من الفرن

الطريقة :

- نهائي مافيش تبديل في المقادير و طريقة العمل , نفس المكتوب بالظبط هو اللي يتعمل

- الوصفة بتعمل 12 حبة سينابون , ممكن نزود الكمية باننا نضاعف كل مقادير الوصفة مش الدقيق بس

- جميع المقادير تستخدم بدرجة حرارة الغرفة , و الكوب المستخدم للعيار هو مج الشاي الزجاجي و تعاير بيه جميع المقادير

- حبة السينابون الواحدة = 500 كالوري

- الحشو و التزيين لازم نستخدمهم بدرجة حرارة الغرفة , مش حنستخدمهم بارديين

- ممكن بدل التزيين اللي في الوصفة نستخدم الصوص الابيض اللي هو عبارة عن :

6 مربعات جبن كيري أو نصف كوب جبن كريمي زي الفيلادلفيا + نصف كوب حليب مكثف محلى , نخلطهم مع بعض و نصبهم على السينابون و هو سخن اول ما يطلع من الفرن

1- ندوب الخميرة مع معلقة سكر كبيرة و قليل من الماء الدافئ و نقلب جيدا , و تترك الخميرة تتفاعل 10 دقائق مش اكتر

2- ينخل الدقيق , الملح , الفانيليا و يوضع جانبا في وعاء عميق

3- تخفق الزبدة لمدة دقيقتين بواسطة المضرب الكهربائي ثم يضاف السكر البودرة المنخول مع الاستمرار في الخفق , و يضاف البيض واحدة بواحدة حتى يصبح الخليط كريمي ثم يوقف الخفق

4- يضاف الخليط السابق الي خليط الدقيق المنخول و نقلب جيدا , ثم يضاف خليط الخميرة و كوب الحليب الدافئ و تقلب المكونات حتى تتجانس تماما

5- يرش سطح العمل جيدا بالدقيق و نبدأ في العجن جيدا - ممكن حتلاقي العجينة محتاجة تتزود دقيق , نزود بالتدريج مع العجن لحد ما العجينة تلم و ماتلزقش في اليد -

6- نعجن جيدا تقريبا لمدة 10 دقائق , ثم توضع العجينة في وعاء مدهون خفيف بالزيت و تغطى و تترك لمدة ساعة كاملة

7- تفرد العجينة مستطيل كبير بسمك 1 سم تقريبا , و يوضع الحشو عليها مع ترك جزء بدون حشو في نهاية العجين , علشان العجينة تلزق بشكل كويس من غير ما تفك معانا في مرحلة التخمير والخبز.

8- نبدأ بلف رول السينابون من الطرف الاطول للمستطيل كأننا بنلف سويسرل, و نبدأ في التقطيع بواسطة الخيط - خيط عادي عندك بتحطيه من تحت العجين و نشد طرفين الخيط قدام بعض علشان نقطع العجين - , حبة السينابون

يكون طولها 4 سم تقريبا او بمقدار اصبعين تقريبا , و لو مش حنعرف بالخيط نستخدم سكينة منشار ( حافتها مشرشرة )

9- ترص الوحدات في صينية مدهونة بالزبدة و تغطى و تترك لمدة نصف ساعة حتى تخمر

10- توضع الصينية في فرن مسخن مسبقا على حرارة 180 درجة في الرف الوسط و بياخد تقريبا من 20- 25 دقيقة , و عند النضج نخرجه من الفرن و يصب الصوص عليه فورا مع توزيع الصوص جيدا

11- يقدم السينابون دافئا مع تزيين الوجه بعين الجمل المقروم حسب الرغبة .....