تورته كريب بالشيكولاته

مقدم من مطبخ/نهله رجب
مدة التحضير ساعه
مدة الطهى10دقايق
المكونات
ألعجينه الكريب
 كوب ونص الامعلقتين دقيق
وكوب ونص حليب
 وبيضه
وفانيليا و
2معلقه كاكاو
و٢معلقه زبده
الطريقه
نحط في الخلاط الحليب مع البيضة والفانيليا ونضربهم ونضيف الزبده ونضرب و الدقيق ونضرب كويس ونسخن طاسه تيفال ع النار ونحط من خليط الكريب في نص الطاسه ونحرك الطاسه بايدينا عشان نوزع الخليط ف الطاسه كلها بشكل متساوي عشان يطلع سمكه مظبوط ومش تخين ولما وشها يستوي نقلبها الناحيه التانيه ولما تستوي نطلعها ع طبق ونكمل باقي الخليط بنفس الطريقة
الحشوة حسب الرغبة انا حطيت اول طبقه كريب ودهنتها بالنوتيلا وفوقها قطع فراوله وممكن بالموز وحطيت تاني طبقة ونفس الطريقة عملت طبقات لحد ما خلصت كميه الكريب وتحطيها ف التلاجه مش أقل من ساعتين ممكن تحشيها كريم شانتيه ومانجا زي ما تحبي وممكن متعملهاش طبقات تحشيه اللي تحبيه ولفيه رول أو مثلث وبالف هنا