نصائح للحصول على قوام ممشوق بدون عناء.
بقلم / اميره محمد الشرقاوى
النساء دائماً تسعى للحصول على قوام جميل وممشوق بدون اى عيوب وأيضا بدون عناء لذلك اتينا لك بهذه النصائح
1- التعود بعد الصحيان من النوم على شرب كوب من الماء
2-تعودي تفطري قبل 10 وتفطري براحه دايما تاكلي براحة
3-تبعدي خالص عن البقوليات واي واحده بتتعب من اللبن وينفخ بطنها بلاش والي عندها القولون تنظم اكلها ونفسيتها
4-كلي في حدود سعراتك وبلاش تملي بطنك علي الاخر كلي 5 وجبات في اليوم بس وجبات صغيرة 🧀🍖
5-وجبه صغيره كل 3 ساعات
6-شرب مياه كتير
7-تمارين البطن مهمة جدا وحاولى تتمشى ساعة يوميا مع شفط البطن
8-مفيش نشويات بعد 6 او اي كربوهيدرات فاكهه او بروتين
9-كلي دهون صحية(مكسرات-زبدة قول سوداني-افوكادو)
10-اخرك 11 او 12 في النوم علشان هرمونات جسمك
11-اشربي رشفات مياه في وسط الاكل او بعده علي طول متمليش بطنك
12-مفيش بيبسي او اكل سريع او اي اكل مقلي او فيه زيوت
13-تبدئي اكلك بروتين وسلطه بعدهيها الرز او العيش او النشويات
14-خلي دايما العصاير فريش ويفضل بعد التمرين بسكر وقبل بدون سكر
15-خلي السكر دايت او فاكهة بلاش سكر ابيض او بني
16-كلي دارك شوكلت قطعة كل يوم
17-عشاكي الزبادي خالي الدسم عليه نص ليمونه وقرفه او جنزبيل مبتحبيش الزبادي خلي عشاكي فاكهة
18-دايما اوعي تستني تجوعي او تاكلي لحد مابطنك تقفل دايما قسمي وجباتك وكلي براحه جدا واشربي مياه قبل الاكل
19-خلي الفاكهة دايما قبل الأكل مش بعده علشان الجسم بيمتصها اسرع وكمان علشان تستفادي منها
20-قللي ملح علي قد متقدري عشان ميحبس الماية فى الجسم
ده اسهل نظام غذائي لتخسيس منطقة البطن
وجبة الافطار : بيضه مسلوقه او قطعة جبن قريش او 3 ملاعق فول بدون زيت + توست سن او ربع رغيف بلدى + شاى بلبن او قرفة او زنجبيل
وجبة الغداء : طبق خضار او شوربة خضار او شوربة لحم بعد نزع الوش + طبق سلطه خضراء بثمرة طماطم واحده + ربع فرخه مشويه او قطعة لحم او 3 سمكات مشويه + 3 ملاعق ارز او مكرونه او ربع رغيف عيش
وجبة العشاء : كوب لبن او كوب زبادى او 2 ثمرة فاكهه
مرحباً بالتعليقات الجديدة .