انا من السعوديه صار لي موقف ما اعرف كيف افسره صح الجن لهم رهبه وعالم مجهول ومريب بالنسبه لنا لكن اذا ما اذيناهم مايؤذونا عكس البشر احسهم يخوفون اكثر اول شي بقوله لكم انا ساكنه بعماره سكنيه بالدور الارضي حولينا عماير كثير لكن عمارتنا فيه حوليها ممر خاص فيها يعني محيط بالعماره مثل حرف U وله ابواب ثنين وكلهم جنب البوابه الرئيسيه للعماره الي يدخل الممر يقدر يشوف الشبابيك بس مايقدر يدخل العماره فهمتو خارجي العمارة مالها الا باب واحد
المهم لمى كان عمر بنتي الكبيره سنه ونص حالياً عمرها ست سنوات كان وقتها رمضان وعزمت خوات زوجي على الفطور وزوجي بعد الفطور على طول راح دوامه يبعد عنا ساعة وعشرين دقيقه المهم بعده بشوي راحو خواته لقيت زوجي اخذ مفتاح واحد من ابواب الشقه قالي سكريه بالسقاط الي هو القفل الحديدي الي يجي بالابواب يارب فهمتوني رحت بعدها بغير ملابسي عشان ابدا تنظيف كنت مجلسه بنتي قداميوانا البس فجاءة جاني شعور بجنبي الايمن كله حراره على وخز ابر رفعت راسي لبنتي الا هي مرعوبه وتطالع ف الشباك الي على يميني التفت الا رجال لابس نظاره طبيه ايطارها نحيف فضي ( من جنسية عربية عرفت من الجلابيه الي لابسها)فاتح الشباك شي بسيط بس مقاس وجهه ومدخل وجهه من ورا شبك الحمايه ويشوفني وانا البس انا بسرعه رحت لشباك بسكره تخيلو ظل مكانه ماتحرك جيت بيدي دفعت وجهه ما انساه كان وجهه عرقان شعور اللزوجه بيدي ما انساه وسكرت الشباك الا ماسكر طلع حط يده وارجع افتح الشباك واسكره بقوه ويصرخ
واقفل الشباك انا على طول كلمت زوجي قال قفلي الابواب والشبابيك وبكلم جارنا على ما اجي يطلع يشوف يقول جارنا حصلت اثار اقدام بالغبار بالارض وعلى الجدار الخلفي للممر يعني قفز على العماره الخلفيه وطلع منها...
بعدها بعشر شهور كنت داخله الحمام الله يكرمكم والشباك يطل ع الممر الي يجي يفتح من فوق وانا جاني نفس الشعور الحراره والوخز التفت لشباك على طول شفته نفسه يطالع فيني من تحت مبين بس نظارته صرخت وركضت لزوجي طلع يركض لشارع معه سكين الصيد الكبيره فتحت الشباك الي ع الشارع الرئيسي بتطمن على زوجي شفته نفسه طالع من العماره الي جنبنا ومر من قدام زوجي شكله قفز عليها وطلع من بابها على اساس انه من السكان
انا ارتعبت وانربط لساني كان نفسي اصرخ اقول هذا بس ماقلت له خفت بلحظة غضب يقتله وينسجن ولا يعدم زوجي على طول حط خشب على الشبابيك من برا لنص الشباك وركب العدسه بالباب عشان اشوف الي بالباب قبل افتح بعدها بفتره طويله بعد ماجبت بنتي الثانيه بسنه الساعة 7 الصباح بعد ماطلع زوجي للعمل ب ساعة كذا جاء يطق ع الباب شفت من العدسه طلع نفسه
اناماعرف وش يبي مريض نفسي ولا ايش يبي ؟ قبل ثلاث شهور تقريباً الفجر كانت بنتي الكبيره تبي الحمام دخلت معها وفتحت السناب كنت اتابع بنت تتكلم فجاءة صرخت بنتي ياماما رجال صحى زوجي واخذ مسدس وطلع جري للممر يقول شفته قفز على العماره الي ورانا وكان مرتب طوب كانه درج وصاعد عليه عشان يقدر يشوف من فوق الخشب ركب سيارته وراح للعماير بالجهه الثانيه يقول مافي احد شفت عامل هندي سئلته لو شاف احد طلع من العماره يقول شاف قال جنسيته ركب سياره ومشى بسرعه بس اول مره يشوفه باين
مو من سكان المنطقه الي حنا فيها وبس الله يكفينا شره ( الي بيقولون ليش ماتغيرون الشقة شقتنا ابوابها حديد والشبابيك فيها شبك حمايه بحثنا عن شقق ثانيه ابوابهم خشب و الشبابيك بدون شبك حمايه سهل دخوله ) بلغنا عنه لكن ما امسكوه الى الان
مرحباً بالتعليقات الجديدة .