كلمات الشاعره//أماني العطار
بين الشكل والشكل
تلاقي ألف شبيه
لكن وقت الجد
تتوه في معانيه
سهل تلاقي الرسمه
بكل تفاصيلها
لكن للقلب همسه
تكون ليها دليلها
مش كل رسمه بروح
ولا تقدر تبوح
الشكل منه أنواع
والرسمه ليها أوضاع
وبينهم طريق ضياع
تتميز الأشكال
بعبيرها بالألوان
وتكتمل الصوره
داخل المنظوره
بروح داخل إنسان
يرويها ويبنيها
وفلحظه واحده
تبان
ونتوه في الأشكال
في حياه بالألوان
يرسمها فنان
وتظهر على الجدران
كلنا منشوفها
ونداري رتوشها
ونلونها كمان
لجل لينا تبان
أشكال مع ألوان
والشكل هو واحد
يرسمه إنسان
لكن ربي الواحد
بيميز الأشكال
بروح جوه منها
مايقدر يرسمها
أكبر فنان
في دنيا الأشكال
مرحباً بالتعليقات الجديدة .