ستات في الأسواق.

بقلم أ.د /فتحى الشرقاوى

لو دخلتم...اي سوق او سوبر ماركت...
هتلاقوا ظاهرة محتاجه تفسير...
كل اللي بيشتروا داخل المحلات ستات...
واجوازتهم مستنينهم بره...
#اللي شايل عيل...
#اللي شايل اكياس مراته اشترتها
#اللي بيدخن سيجارة بعصبية..
#اللي بيلعب في الموبايل...
#اللي قاعد مش طايق نفسه...
#اللي بياخد لفه وبعدين يرجعلها ..
#اللي مش معبرها وماراحش من الأساس معاها.
السؤال...
ليه الأزواج مابيكونوش واقفين معاها وهى بتشتري.
انا ناوي اعمل دراسه علمية في الموضوع ده.
في بعض الأسباب اللي ممكن تكون ورا الظاهرة دي
ولو عندكم أسباب تانية...
ياريت تساعدوني وتقولولي ليه..
أولا..الستات بيحبوا المفاصله اكتر من الرجال.
ثانيا..الستات عندهن صبر في البحث عن اللي بيشتروه عكس الرجال.
ثالثا.. الستات أكثر قدرة على تحديد الإحتياجات المنزليه بالمقارنة بالرجال
رابعا..الستات أكثر قدرة على المقارنة بين المشتريات من حيث الموازنه المالية المتاحه لهن.
خامسا.. الستات لديهن نظرة عن قيمة الحاجات اللي بيشتروها عكس الرجال
سادسا... الستات عصبيات مابيحبوش الراجل اللي بيعدل عليهن اختياراتهن في الشراء.
سابعا..اعتقاد الستات بأن اختيارتهن دائمآ هى الأصول والصحة بالمقارنه بالرجل
ثامنا..الرجال مابيرحوش معهم خوفا من الدفع والتدبيس
لو عندكم أسباب تانيه..قولولي...
ا.د. فتحي الشرقاوي
 أستاذ علم النفس بجامعة عين شمس.