الستات مش نكديه.
بقلم /نور عمر
هيرد حد عليا و يقولي ان الكلام ده في ذاته كدبه 😂
الست عموما اكتر حساسيه من الرجاله بتكون عندها هرمونات غريبه كده لما تكون قلقانه او خايفه من صرصار او فار او حد رخم قالها كلمه جرحتها بتعيط وسيلتها العياط
سأل احدهما حكيم لماذا تبكي النساء بدون سبب فأجاب الحكيم حينما خلق الله المرأه جعل لها أكتافا قويه جدا لتحمل عليها أحمال الدنيا و جعل لها ذراعين ناعمتين حنونيتين لتعطي الراحه و أعطاها قوه داخليه لتحتمل ألم ولادة الأطفال و رفضهم لها عندما يكبرون و أعطاها صلابه لتحتمل أعباء أسرتها و تبقي صامده في أصعب الظروف بدون تنمر و أعطاها محبة أولادها إذا ما عادوا إليها و قد سببوا لها ألم و أخيرا أعطاها الدموع لتذرفها عند الحاجه لترمي أحمال هذه المسؤليه و تستطيع أن تواصل الرحله فهذه نقطة ضعفها الوحيده لذلك احترم دموع المرأه و إن كانت بلا سبب
المرأه تبكي كثيرا و تبكي كالبحور و العاقل الذي لا يدخل الحزن علي قلب إمرأه فلو بصيت في القرآن الكريم هتلاقي ربنا دايما يرفع الحزن عن المرأه طب بص ربنا قال ايه
(( كَيْ تَقَرَّ عَيْنُهَا وَلَا تَحْزَنَ )).. القصص
(( أَنْ تَقَرَّ أَعْيُنُهُنَّ وَلَا يَحْزَنَّ )).. الأحزاب
(( فَنَادَاهَا مِنْ تَحْتِهَا أَلَّا تَحْزَنِي )).. مريم
(( وَلَا تَخَافِي وَلَا تَحْزَنِي )).. القصص
مش عايزه افاجئك سيدي العزيز و اقولك ان المرأه بتبكي من 30 ل 63 مره في السنه بس ع عكس الراجل بتاع من 6 مرات ل 17 مره ف العام بردو
طب ليه بقي المرأة بتعيط؟
في هرمون كده اسمه الرولاكتين و ده مسؤل عن إفراز الدموع وإفراز اللبن و ده موجوده بنسبة 60% عند الستات
ياريت بقي الرجاله متفرحش انها مش بتعيط لان العياط بيطلع حبة سموم حلوين و بتشيل الضغط النفسي و العصبي كمان صحيح ان انتم كرجاله لما بتبكوا بتبكوا من دقيقتين لاربعه اما احنا من ست دقايق فما فوق😂 بس احنا بنرتاح اسرع😝
عموما في اربع مراحل للبكاء قلم وورقه يا ست الكل بصوت الشيف شربيني 😂
المرحله الاولي و دي بيكون فيها صوت و معاها تكشير ف الملامح و دموع ،المرحله التانيه و دي بتكون بصوت و مفيش دموع لانها جفت من كتر البكا و حبة تكشير ،المرحلة التالته ودي من اصعب المراحل لا دموع و لا صوت تبكي بملامح حزينه ،المرحلة الرابعه و دي مرحلة الوحش دي بقي بتبكي لا بصوت و لا ملامح و لا دموع دي قلبك بينزف
ايوه يعني انا كراجل اعمل ايه لما الاقيها بتعيط؟
سهله و بسيطه😊 اعمل زي حبيبك النبي
اولا امسح دموعها بإيدك
مره الرسول عليه الصلاة و السلام دخل علي عائشه قصت له قصص عشر نساء و جت عند القصه العاشره إن كان في واحد اسمه ابو زرع كان بيحب أم زرع و لكن اتطلقوا رغم حبهم لبعض فبكت السيده عائشه و كفكف دموعها و قال لها كنت لكي گأبي زرع لأم زرع غير أني لا اطلقك
ثانيا احضنها
دخل الرسول ِّﷺ علي السيده خديجه رضي الله عنها بعد وفاة ابنهم القاسم لاقاها بتبكي رغم ان هو صلي الله عليه وسلم كان بيبكي ومتكلمش بكلمه سوي انه حضنها
ثالثا اسمعها الست بتحب تتعامل زي الطفله مهما كبرت الطفله الصغيره لما بتعيط بتملس ع شعرها و بطبطب عليها و تجيب لها شيكولاته كمان هي الست كده و الله حتي ل عندها 80 سنه
و حاجات اوعي تعملها و هي بتعيط عشان متكلكش زي الفراخ اللي بتاكل بيضها
اولا اوعي تقلها متعيطيش و ينهار ابيض يا ا ممتاز لو زعقت انت حر و قد اعذر من أنذر😂
ثانيا اوعي و اياك ثم اياك انك تقلل من المها ان شالله لو كانت بتعيط علي كرتون او مشهد رومانسي
فاعلم يا سيدي أسرع النساء بكاء هي من لم تستطيع شرح ما في قلبها❤
مرحباً بالتعليقات الجديدة .