كلمه كتير إتقالت حروفها بتحكي ميت موال عن كل شخص عشمان مع أنه غشمان مش فهمان مستغطي بشئ عريان لابس كله حرير في حرير كمان بس في الأصل هو متعري تمام
أبقي معي عزيزي القارئ لتعلم ماهي حروف عشمان !!!!!
أولها العين ::::
العين أل شافت وحبت ولمعت في ليل حزين وكانت زي فروع من نور نورها بريق يخطف العيون عين صدقت بالحب وأتعشمت أن في حب وعمرة يوم ماهايقسي وينسي القلب لكن العشمان أصبح غشمان في الحب أل كان
ثانيها الشين ::::
الشين أل شالت شيله القلب ولوعة الحب ولقي وفراق ومواعيد من غير ساعات أول مايدق القلب يعطي ميعاد وأمر بالحب شين شاليه كل مافيك حلو أو مر شايفاك أصلها أفضل مافي الكون عشمانه أنك يوم تكون شايل في القلب حنين من غير أنين حابب وبس لكن هي كمان غشمانه مش فهمانه أن في ناس في سوق الناس ماتسواش قلوب معدن صفيح بيلمع من بعيد لكن أول ماتقرب منه بريقه يزول علطول ويبقي الصفيح ناس عايشه علي غش ناس وناس متعشمين وخلاص ومابين ناس وناس في عشم مايصونه إلا أبن الأصول أل معدنه دهب وكلامه وحبه عجب العجب
الكاتبة/ بوسي مرسي
ثالثها الميم ::::
الميم مين فينا حب وماتجرحش؟ مين فينا أتعشم وأتخلي بيه ؟ مين فينا أتظلم ومين أل ظلم ؟ مين راح من غير سؤال ولا تقديم أعزار راح وماعدش راجع عشان نسي العشم والعشرة والأيام وأصبح هو كمان غشمان مش فهمان أن الدنيا كلها مين ومين ومابين الف مين ومين في مين تانين مستنين سنين حب وأنين
رابعها الألف ::::
الألف وفيها ناس ماشيه زيها مستقيمه علي خط مستقيم لا تعرف زيف ولا لوع تعرف توعد وبس وبقلوب الناس هي بتحس ودة أعظم حرف في حروف عشمان لأنه هنا العشم بيبقي في محله تمام في ناس في قلوبها فصوص من ماس وهنا يصبح العشمان فهمان أن في ناس تستاهل كمان مش كله مصالح وعدي ياعم صالح عشمان وبس في ناس قلوبها بالناس بتحس
خامسها النون :::
النون أصله جنون عشان كل مرة أتعشم فيها وأصدق كلام القلب وألغي كلام العين أل شافت من القسوة جبال من ناس خسارة فيها كلمه ناس هما في سوق الناس النسناس ليه سعر عنهم كمان أقل مانشبه بهم الحيوان لأن في حيوان بطبعه وفي غير بني الأنسان أل الغدر أصبح كيف عندة وعادة تمام غدار بميت وش وهنا يصبح غشمان مش فهمان عشان مصر يعمي عينه عن جنون النون
العشم كلمه كبيرة وأحساس ولا أروع أعطيه لمن يستحق فقط عشان تصبح فهمان مش غشمان ولا عشمان في ناس مصالح وبس وبقلوب غيرها ماتحس
مرحباً بالتعليقات الجديدة .