اعداد وحوار / احمد عبد الكريم
في البداية نحب ان نتوجه لسيادتك بخالص الشكر لسماحك لنا بأجراء هذا الحوار كما نحب ان نعبر عن سعادتنا الغامرة بأجراء هذا الحوار مع سيادتك .
في البداية نحب ان نتعرف اكثر علي الكاتبة/ رحاب الحلواني ونسألها عن نشأتها ودراستها؟
رحاب الحلوانى من محافظة الاسكندرية حاصلة على بكالوريوس تجارة شعبة محاسبة ومؤهل تربوى وكورسات كمبيوتر ولغة انجليزية وخريجة مدارس لغات حاصلة ع شهادة ال ICDL معتمدة وموثقة من منظمة اليونسكو اشتغلت فالعديد من الاماكن شركة مقاولات كمحاسبة واشتغلت فى مدرستى اللى اتخرجت منها كمدرسة كمبيوتر ولكن حصل تغيرات فى مجلس الادارة فقرروا ان كل العمالة الجديدة وبعقود يستغنوا عنهم بعد مرور سنتين من تعينى وكان عندى موهبتى الخاصة اللى كانت هبة من عند الله سبحانه وتعالى من قبل متعين فاى مكان كنت بحاول انميها بس مكنتش متخيلة انها تكون مصدر رزقى واحترفها بالمهارة دى
هل كانت رحاب الحلواني كان لها الرغبه في كتابت المقالات ام لا ؟ ولماذ
كانت امنيتى انى اكتب للناس عن شغلى وعن قصة كفاحى لانى تعبت جدا ووجهت صعوبات كتير عشان اوصل شغلى للوضع الحالى وانا شغلى عبارة عن مشغولات يدوية كروشية.
وما هو شغل حضرتك ممكن تكلمينا عن شغلك ؟
انا شغلى مشغولات يدوية كروشية يعنى عبارة عن ابرة وخيط هاند ميد كله مفيش مكن متوفر لتصنيعه نهائى بيتم تنفيذ كل مستلزمات البيت من مفروشات وديكورات للزينة يعنى مفيش حاجة متعملتش من الكروشية.
هل كان لديكي صعوبات وجهتك في طريقك ؟ وما هي
اكيد كان لدى صعوبات وجهتنى فى طريقى وكتيرة كمان كان اولها اعتراض اهلى ع شغل الكروشية وانه مضيعة للوقت ومجهود مبذول ع الفاضى وطبعا اثبت العكس تماما ولما دخلت وتمكنت من شغلى وجهتنى صعوبات التسويق لمنتجى وواجهت محاولة سرقة شغلى ومجهودى.
ممكن تحكي لنا عن موقف صعب مريتي به مش قادره تنسيه؟
اكتر المواقف صعوبة انك تقوم بكل مهام شغلك لوحدك ومفيش تشجيع ومفيش حد واقف جمبك انت وعقلك وبس من ادارة ٢ بيدج وجروب وقناة يوتيوب غير ناس بتشرف ع شغلهم لان شغلى ده اللى هيطلع للناس هيتكلم عنى فلازم يطلع مظبوط ومفيش غلطة وحدة فية.
في الحياه الأسرية تحبي التجمع ولا تفضلي تكوني دايما لحالك؟
لا افضل دايما اكون لحالى لان كل واحد مننا الدنيا وخداه الدنيا تلاهى وتقريبا نش بنتجمع الا فالمناسبات او بنطمن على بعض بالفون بس فاتعودت انى اكون لوحدى افضل.
اكتر حاجة بحب اجتمع بيها شغلى بياخد كل وقتى تقريبا فمش بنشغل بالتجمعات الاسرية اوى.
•من كان يبهر رحاب الحلواني من الاعلامين الصحافيين الكبار؟
الاستاذ ابراهيم الفقى
كنت بحب كتباته اوى
بحس انه بيدينى دفعه للامام
والتفاؤل الدائم وعدم اليأس
• تنقلت بين صفحات الجرائد ما بين الفن،والسياسة، والأدب، والمجتمع... فأيهم أقرب إليكي؟
الفن
بس فن عن فن يفرق فية فن عن الموضة والفاشون وفية فن يعنى التمثيل والمسرح والرسم كل دول تحت بند الفن.
اكتر حاجة اهتميت بيها فالفن كان فن الموضة والفاشون والابتكار فى شغل الهاند ميد خاصة الكروشية.
ما هو احدث جروب لديكي وما هو اهدافه ؟
مش بحب الدخول فجروبات او اشتت تفكيرى بمقترحات مختلفة احب اركز وبعقلى ابتكر واكيد بيبقى فية حاجات لسة متعلمتهاش ببحث وادور لحد متعلمها.
من نظره عيونك وملامح وجهك اقدر اقولك انك عشتي ايام صعبه؟
دى حقيقة فعلا.
ده بالنسبه لكي وبالنسبه للناس اللي بتحكم العقل في كل الأمور لكن أوقات ممكن تصادفي أشخاص لهم حسابات مختلفه فهل حصل معاكي موقف غريب مع أشخاص رافضين منطق العقل؟
حصل فعلا وواجهت ناس رافضة منطق العقل ويتبعوا اسلوب الديكتاتورية والتسلط والانفراد بالرأى ليهم هما بس وعدم سماع راى الاخرين والتحكم فيهم زى متقول اسلوب احتقار وده اسلوب رخيص اوى ولا يتبعه الا من فقد الثقة فنفسه.
انتي ماشاء الله جميله وجذابة واكيد كتير تمنوا الارتباط بكي تقدري تقولي لنا كم شخص وقع في غرامك؟
ههههههههه اولا اشكرك ع المجاملة واللمسة الجميلة دى مقدرش اقولك ع عدد معين لانى مش بعد بس عوزة اقولك انى زهقت من كترهم بس الحمد لله لسة ربنا مأردش ومجاش النصيب لسة اللى يستحق بنت الحلوانى فعلا.
هل انتي شخصيه جاده أم شخصيه مرحة؟
الاتنين مع بعض لان كل وقت بيبقى لية وضعه يعنى فالشغل جادة جدا وبحب الحق وفحياتى الشخصية مرحة وحبوبة واجتماعية جدا.
من خلال صورتك انتي واقعيه جدا وبتحسبي للأمور بمنطقيه ياتري ده صح ولا غلط
صح جدا كمان.
هل لديكي القدرة علي مواجهة التحديات التي تواجهك في المجتمع ؟
اكيد وبكل شجاعة.
ما هو اسباب الطلاق في المجتمع العربي ؟ وكيف يمكن مواجهة هذة الظاهرة ؟
اسباب الطلاق فى المجتمع العربى عدم فهم الناس لمعنى الزواج الحقيقى هو كما امرنا بية الله سبحانه وتعالى المودة والرحمة والالفة ولابد مواجهتها بمراعاة ربنا فالتعامل بين الطرفين الدين معاملة.
ما رائيك في الشخص الذي يحاورك وما هو اسمه ؟
شخص محترم وخلوق الاستاذ الصحفى الراقى احمد عبد الكريم.
بنشوف لكي بوستات كتير بتوحي بالغرور هل الكاتبة رحاب الحلواني كاتبة مغرورة في نفسها ؟
مينفعش احكم ع نفسى ولكن بشهادة ما حولى انى شخصية متواضعة لاقصى الحدود ومينفعش التواضع مع الغرور ولكن حضرتك ممكن تعتبرها ثقة عالية بالنفس.
ما هي ابرز المشاكل التي تعاني منها المرأة؟
عدم الاهتمام والجفا والقسوة.
ماهو دور المرأة المصريه في المجتمع ؟
دور كبير وفعال ومش اى حد يفهمه.
انتي كا صحفيه لو فكرتي تعملي حوار صحفي مين سيكون سعيد الحظ للقاء معكي في هذا الحوار ؟
حضرتك
لان حضرتك تستحق هذا الحوار وسوف يكون حوار شيق لاهتمامك الشديد بالمرأة وتعزيزك لها اكيد له اسباب عديدة وخاصة لما يكون تعزيزها من رجل.
هل رحاب الحلواني بتفكر في منصب سياسي؟
لا خالص ارغب فى منصب مرموق فى مجالى وموهبتى وليس اى مجالات اخرى احب ابدع فاللى اقدر اعطى فية.
هل رحاب الحلواني عندما توصل للهدف الاساسي كيف تتعاملين مع بعض الاشخاص ؟
بكل تواضع ورقى الوصول للهدف ينسب للشخص نفسه ويعلى من شأنه لكن ليس معنى ذلك التعالى ع الناس كلنا كاسنان المشط سواسية.
ممكن تحكلنا عن اول حب في حياتك ؟
تصدقنى لو قولتلك انى مبحتش دراستى وشغلى وتحمل مسؤلية واهلى اخدوا منى حياتى كلها وكل من تقدم لخطبتى كانت رسمية جدا وعندما قررت انى ارتبط كانت خطوبة صالونات والحمد لله انى خلصت منها لانه مكنش الشخص اللى يستاهل تضحياتى من اجله.
ماهو احلى لقب لقبت بية رحاب الحلوانى من جمهورها الحبيب ؟؟
بصراحة انا كان لية اكثر من لقب ذات الاصابع الذهبية.
وملكة الكروشية
ومحبوبة الجماهير
وهذا كان حوارنا مع سفيرة الابداع والتطوير الكاتبة الصحفية / رحاب الحلواني
تحياتي لحضرتك واتمنا لكي التوفيق والنجاح.
مرحباً بالتعليقات الجديدة .