صابرين جابر تكتب الناس الاصيله

بقلم / صابرين جابر
انا بحب كل الناس ماعنديش حد وحش ماعنديش حد خاين ماعنديش حد بيكدب عايشه في الدنيا دي باخلاص وتفاني عايشه بصفاء نيه بصدق كل الناس الله علي الصفات دي الله علي الناس دي يمكن قليله بس موجوده فيه اللي قلبه طيب وبيحب كل الناس وبيتمني الخير للناس في اللي عمره ماخان العشره ولسه باقي علي العيش والملح فيه اللي بيساعد وبيدي من غير ماياخد في اللي بيخلص وعمره مايخون الناس دي موجوده شفناها في حياتنا اكيد كل واحد فينا في حياته الشخص ده واللي ماقابلش الشخص ده اكيد بيتحسر علي حاله اكيد زعلان علي نفسه لانه مفتقد كتير مفتقد حد يثق فيه مفتقد حد يقعد يحكي معاه من غير خوف ولا قلق مفتقد حد يكون جنبه في شدته ووحدته حاولوا تدوروا علي الناس دي حاولوا تفتشوا علي الناس اللي شبهكم واتمسكوا بيهم عارفه ان في زمنا بقوا قليلين بس هما موجودين الناس دي هتلاقيها جميله من جوا ومن برا الناس دي هتلاقيها محبوبه مايختلفش عليها كل الناس بتحبها وتقدرها وتحترمها اتمسكوا بالناس دي وخلوا بالكم منهم لانهم عمرهم ماهيتعوضوا المعدن الأصيل اللي عمره مابيتغير مهما اتغيرت الازمنة دول الناس الجدعه الشهمه الاصيله.