بوسي مرسي تكتب / قليل الأصل

بقلم/ بوسي مرسي
قليل الأصل لاتعاتبه ولا تلومه هو أصلا قبل مايبيعك لو طال كان باع هدومه عامل نفسه متغندر ومفكر أنه والعياذ بالله ربنا الاعظم أصل قلة الأصل دي عندة وراثه تقولش راضعها في بزازة مستغرب ليه ومنه بتشكي مش أنت أل عنه كنت بتحكي أهو باع وخان عشان هو أصله بطبعه مالوش أمان ومها علت فيه الأيام هايفضل واطي كمان عشان أصل العلو لله والعلو لل حاطت الناس فوق راسة تمام مش تحت قدمة كمان
بكرة تفضي الدنيا عليه والكل يروح من حواليه ويقعد هو وعجرفته يتعجرفم علي بعض أو يتعرفم يمكن واحد فيهم يعرف التاني ويمكن يقلوا بأصلهم من بعض كمان أصله بعيد عنك طبع والطابع غالب لو علقوا فيه ميت قالب والله مايتعدل هايفضل عليك قالب
أصل الأصل دي وراثه وأنت ياقليل الأصل راضعها غلاسة مفكر أنك ملك الكون ونسيت أن في رب حنون صفاته التواضع لكن أنت مفكر نفسك عالي لا تعالاي مين أل قال أنك عالي والله مايعلي غير أل رفع الناس فوق راسه وعرف أن في ناس كانوا هما أساسه لكن نقول أيه ونحكي ليه علي أصلا بايع ناسه
خليك لوحك خليك بكرة الزمن يجي عليك وأنا وأنت هانتفرج عليك ونشوف الزمن هايعمل فيك أيه بس أما تشوفني أوعي تعرفني لأني بكرة هأنسي أل عملته وأتعامل تاني وأتجرح تاني ماهو أصل أنا مش زيك أناني ولا بايع كل من أواني  في حضنه بعيد عنك عندي أصل أصلي رضعه من الأصل وواخد تحصين من قله الأصل مصل واقي
سلام سلام ياقله الأصل سلام وبكرة أشوفك أنا والأيام ونشوف مين هايضحك كمان أنا ولا أنت وقتها الضحك هايبقي ببلاش علي أل  لم الأوباش وعمل ليهم سعر وباع الغالي بالرخيص أصل الرخيص ده مغيث والغالي مهما دفعت فيه هايفضل رخيص عشان أصله غالي جود باي،،،،،  ياأناني وأروح أدور أنا بقي علي أنسان تاني يكون عندة علم بفهم يعني أيه انسان أناني في بيته وأواني.