بقلم /صابرين جابر
مديره قسم صحه طفلك بمجله مملكتي
صاحبت كتير وعرفت ناس كتير أقارب اغراب أشكال وألوان منهم الطيب الغلبان ومنهم اللي عامل انسان بس هو في الأصل مش غلبان ولا حتي انسان نوع تاني مش بشر يمكن يكون علي هيئه بشر بس اللي جواه شيطان في ثوب انسان بيظهر علي انه صاحبك حبيبك بيتمنالك الخير بس اللي جواه حقد وغل ليك ماتعرفهوش لانه بيتلون بألف لون ولون معاك لون ومع غيرك لون ماقولتلك ماهو مش انسان عمري ماعرفته ولا بان ليه اصل انا لسه ماتعلمتش لسه بقول علي الشيطان ده غلبان يبقي انا لسه ماتعلمتش الدرس اصل الحياه مليانه دروس وكمان امتحانات كل ماتكبربتتعلم اكتر واكتر والشاطر اللي يفهم وكمان ينجح اصل الحياه مدرسه كبيره كل ماتعرف ناس وتقابل ناس بتتعلم منهم كتير تتعلم ان مش اي حد ممكن اثق فيه بتتعلم مش اي حد اقول عليه اخويا وحبيبي وصاحب عمري مش اي حد بيحبلك الخير مش اي عايزك ناجح مش قولتلك هتتعلم كتير بس الذكي اللي يفهم الدرس وكمان ينجح فيه مابقولش الحياه كلها وشوش كدابه لا ده فيها الجدع والأصيل وصاحب صاحبه والملاك الطاهر اللي بيحبك بس انت اختار صح عشان ماتندمش وفكر واتعلم وافهم الدرس كويس من مدرسه الحياه.
مرحباً بالتعليقات الجديدة .