معنا اليوم فنانة من نوع اخر تجمع بين المزيد من فنون الهاند ميد مما جعلها متميزة وتعمل علي قدر عالي من الاحترافية مما جعل اسمها يتردد داخل البلاد وخارجها تعالوا معنا نترك لها مساحة من الحديث عن نفسها وفنها دون تدخل منا حتي يخرج كلامها من القلب ليصل الي قلبوكم مباشرة الجميلة /فاطمة السيد
من صغر سني وانا بعشق كل الاشغال اليدويه تقريبا وانا عندى 14سنه.
امي ليها فضل كبير جدا في حياتي ودايما كانت بتشجعني ونمت موهبتي بدورات الاعمال الفنيه واتعلمت حاجات كتير زاى فن الكروشيه والتريكو واللاسيه والايتامين ورسم وتطريز علي المفروشات والملابس وشغل الخرز والمكراميه.
وكنت بحب جدا الجلوس لوحدى مع موسيقي هادئه واشتغل اي فن جميل من فنون الهاند ميد.. وكنت بفصل لنفسي.
وبدأ شغلى بين الاقارب والاصدقاء وبعدها توقفت فتره طويله بسبب زواجي والاطفال ورعايتهم ووفاه امي بعد معانه كبيره من المرض.
وبعد موت امي كنت بفتكر دايما كلامها وتشجعها ليا حبيت استعين نشاطي تاني وامارس هوايتي المفضله اللي هي شغل الهاند ميد.
وجذبني جدا فن التابستري لانه له مزاق اخر ومختلف و مع تشجيع من زوجي واولادى بدأت اسوق اعمالي عبر السوشيال ميديا والحمد لله رب العالمين شغلي نال اعجاب ناس كتير جدا واطلب مني اعمل قناة تعليميه اشرح فيها شغلي وبدأ ينتشر اسمي في معظم محافظات مصر والدول العربيه منها دوله البحرين ,السعوديه والكويت وحققت نجاح كبير لا اتوقعه واتكرمت من دولة البحرين في احدى المؤتمرات،ووصلت قناتي لبعض دول العالم وبدأ الكثير يطلب مني ترجمة للفيديوهات لانها نالت اعجاب الكثير و دا طبعا بفضل ربنا ودعاء امي ليا ولسه مستمره وعندى افكار كتيير وحلمي اوصل شغلي لكل دول العالم..
مرحباً بالتعليقات الجديدة .