بقلم :حنان مرسى
الكروشيه هو الحياكة او لف الخيط بالابر الصغيرةذات الشكل المعكوف التى تسمى الصنارةوالخيوط المستخدمة انواع منها قطن وصوف حرير وخامات صناعية اخرى.
وقداصبح صناعةمنزلية مزدهرة فى جميع انحاء العالم وخاصة فى ايرلندا وشمال فرنسا.
وقد طورت اليابان هذا الفن الى تجسيد العرائس على شكل حيوانات مجسمةصغيرة الحجم ويتم حشوهاوسمى هذا الفن(اميجرومى)
والكلمة مزيج من كلمة(امى) وتعنى كروشيه وكلمة(جرومى) وتعنى دمية محشوة.
واليوم يتركز حديثنا حول الفنانة :
امانى نظام
التى تبلغ من العمر٣٦عام
بكالريوس خدمة اجتماعيةوتقيم فى دمنهوروقد تخصصت فى تصميم عرايس الاميجرومى
و قد دار هذا الحوار بيننا :
يا ريت اعرف مؤهل حضرتك وازاى اتجهتى لشغل الهاند ميد؟
أنا أمانى نظام ٣٦ سنة بكالوريوس خدمة اجتماعية مصممة عرايس اميجرومى وبدايتى كانت التداوى بالفن بعد أزمة نفسية اتعرضتلها وهى وفاة ابنى بدأت يشغل الكروشيه وبعدها اتجهت لتصميم العرايس.
-متى كانت البداية بالضبط؟
البداية من ٣ سنوات بالضبط بدأت كروشيه وبعدها ب ٦ شهور دخلت مجال العرايس
-مين شجع حضرتك؟
والدتى ووالدى وزوجى لأنهم حسوا إن الفن ده حيغير حياتى
-هل اشتركتى فى معارض؟
اشتركت في معرضين معرض في القاهرة مع أصدقاء ليا والثانى كان في دمنهور عندى كان خاص بالهند ميد فقط
-ما هوتقييمك للمعارض؟
المعرض مش بيبقى مجرد مكسب مادى بالنسبة لى كانت أهميته إن الفن ده يتعرف داخل مصر والناس تقدر تشوف شغلنا عالطبيعة يمكن ماكنتش راضية عن المعرض الأول في القاهرة لكن كنت راضية تماما عن المعرض هنا في دمنهور خصوصا انه كان خاص بكل انواع فنون الهاند ميد فاللى داخل في المعرض عارف ومحدد هو محتاج ايه بالضبط ومقدر الشغل اللى حيشوفه
-ما هى مشاكلك فى التسويق؟
الشغل ده خاماته غالية وكمان بيحتاج مجهود فلما حد بيسمع أسعار العرايس بسمع أوقات كتير تعليقات سخيفة بتقلل من قيمة الشغل في حين الشغل ده بلاقي تقدير بره مصر
-تتمنى ايه فى مجالك؟
أتمنى عرايسي تسيب أثر جميل في كل مكان جوا وبره مصر وتبقى براند معروف... اتمنى الاقي التقدير في مجال الاميجرومى طبعا وانه ميبقاش بالنسبة لهم مجرد عروسة لأنها بتاخد كتير من روح اللى بيشتغلها ويصممها
-تقدرى تقولى ايه من خلال خبرتك للمبتدئين الشباب؟
اقولهم اشتغلوا وابدعوا ماتوقفوش حياتكم عالشهادة مجال الهاند ميد بأنواعه حل مشاكل كتير عند سيدات ورجال كمان وفيه أطفال دخلوا للمجال وده أفضل من انهم يمسكوا اللاب والموبايل .
في نقطة حابة أذكرها
انى كمان نفسي أعلم الأطفال الصغار وفعلا بدأت ببنتى كنزى ١٢ سنة وبنت خالى نغم ١٤ سنة.
مرحباً بالتعليقات الجديدة .