بالخطوات جددي بشرتك بالحمام المغربي في منزلك
كتب-همس خانة
لا تتعبي نفسك وتروحي بيوتي سنتر ولا اي حاجة خليكي ف بيتك معززة مكرمة واشتري مكونات الحمام المغربي وخوضي التجربة بنفسك نعومة زي البيبيهات توحيد لون البشرة ازالة اثار الحبوب والتجاعيد وانسي بقي مشاكل الشعر تحت الجلد ونقط سودا والسيلوليت وكل دا مش هاتفتكريه تاني لو واظبتي علي الحمام المغربي
المكونات :
ليفة كسال مغربي اصلي
صابون مغربي و طمي مغربي
الطريقة:
اولا: محتاجة ليفة مغربي نوع نضيف لا خشن يعور ولا ناعم مايطلعش حاجة
ثانيا : صابون مغربي
ثالثا : ترطيب ودي اهم خطوة
وكتير بيكسلوا فيها لازم نرطب يابنات انا برطب بـ "جلسرين ع زيت جونسون ع زيت ورد" او نيفيا بخلاصة التوت والسوس و زيت جونسون و كولونيا جونسون "
لمعة وامتصاص سريع وريحة حلوة اوي وتفتيح
قبل ما تدخلي تعملي الحمام المغربي اعملي حمام زيت لشعرك عشان تستفيدي بالوقت اللي هاتقعديه في البخار تدخلي الحمام بتاعك ومعاكي ادواتك كلها وممكن تاخدي فرشة سنانك والمعجون وادوات الباديكير وحجر الرجلين عشان تسلي نفسك وانتي جوة
اقفلي المنافذ كلها زي الشباك والشفاط افتحي الماية السخنة قدر احتمااالك واقفي تحتها 5دقايق ل8دقايق لحد ماتحسي جسمك سخن والمسام اتفتحت والحمام بخر من السخونة ودي اهم خطوة ف الحمام المغربي ان الحمام يبخر وتلاقي جسمك سخن
اعرفي انك كدة ماشية صح اهم شئ ف الحمام البخاااااااااااااااااااار
حاجة مهمه جدا جدا خدي معاكي عصير جوا عشان متتعبيش او ضغطك يوطي لقدر الله وبعدين تجيبي الصابون المغربي وادهني بيه جسمك بالكامل تدهني الصابون مش تدلكي جسمك ولا تفضلي ترغيه لا ادهنيه وسيبيه في حاله خالص ووزعي قليل منه علي الوجه بعيدا عن العين وهنسيبه ربع ساعة زي ما اتفقنا الحمام لازم يبقي مبخر لو حسيتي البخار قل وجسمك بدأ يبرد افتحي الماية السخنة علي جنب عشان جسمك مايبردش هاتي ادوات الباديكير وسلي نفسك ع ما الوقت يعدي
خلصتي الربع ساعة اشطفي جسمك بماية سخنة بردو قدر احتمالك واشطفي كويس اوي لحد مالصابون ينزل تماما
هاتي ليفتك بليها تحت الماية واعصريها كويس يعني تكون مندية وابدأي استعمليها بحركات دائرية وشوفي الليفة هتطلع ايه
ونقول تاني الموضوع مش عايز عنف ولا قوة عايز براحة عشان متعوريش نفسك
ابدأي بحركات دائرية ومش بسرعة ومش باطراف الاصابع ف مكان واحد وماتنقليش لمكان تاني استمري في نفس المكان لحد ماتلاقي الجلد الميت طالع قدامك وانقلي لمكان تاني لحد ماتخلصي جسمك بالكامل
اهتمي بالاماكن الخشنة والغامقة زي الركب الكوع الرقبة التنيات وخاصا الركب والكوع ولو عندك شعر تحت الجلد حيطلع وع ضمنتي لو مشيتي صح
الخطوة اللي بعدها الطمي المغربي""
الطمي فيه بروتينات جميلة جدا بتساعد علي نقاء البشرة بشكل سريع من اول مره تعمليه تحطي كام حتة ف ميه هيدوبوا وبعدين حطيهم علي جسمك حيبقي شبه التراب بالظبط وبعد كده اشطفيه من جسمك كويس هاتشوفي الجلد الميت عمال ينزل وبعدين تغسلي شعرك من حمام الزيوت وجسمك وخدي الشاور بتاعك بقي
الترطيب مننساش باي كريم او لوشن او اللي قولت عليه ف الاول وشوفي بقي احساسك بعدها اه ومافيش حاجة اسمها انا نضيفة ف مش بيطلع مني جلد ميت اطلاقا اسمها فشلتي ف الحمام المغربي او استعجلتي لكن كلنا عندنا جلد ميت ماتخديش شاور قبل الحمام المغربي بيوم
رئيس قسم أسرار الجمال : مها محمد
مرحباً بالتعليقات الجديدة .