اسم الوصفة: ستربس الدجاج
مقدم من: نيفين عبد العزيز
مده التحضير: 10دقائق
مده الطهى: 15دقيقة
المكونات :
نصف كيلو شرائح فراخ مقطعة شرايط طوليا
ماء بصل
علبة زبادى صغيرة
توابل /ملح وفلفل اسمر وتوابل فراخ وبابريكا وتوم بودر وبصل بودر
معلقة صغيرة خل وعصير ليمونة صغيرة
خلطة التحمير
كوب دقيق
كوب الا ربع ماء ونضعه بالتدريج
معلقة صغيرة نشا
معلقة صغيرة بيكنج بودر
توابل فراخ وفلفل اسمر وملح وتوم بودر وبصل بودر
نصف كوب بقسماط
معلقتين كورن فليكس متكسر لو فى
نصف كوب دقيق
الطريقة:
نحضر طبق ونضع به الزبادى وماء البصل وعصير الليمون والخل وكل التوابل ونقلب ثم نضع الفراخ ونقلب وتغطى وتترك بالتلاجة لتانى يوم او تترك اربع ساعات ثم نحضر طبق نضع الدقيق والتوابل والبيكنج بودر والنشا والماء ورشة من كل التوابل ونخلط كله ثم نحضر طبق نضع به البقسماط والدقيق والكورن فليكس ورشة توم بودر وتوابل فراخ ونقلب ونحضر الفراخ ونشلها بشوكة من التتبيلة ونضعها بخلطة الدقيق والماء ثم نضعها بالبقسماط نغلفها كويس بالبقسماط ثم نحمر الفراخ بزيت غزير وسخن وعلى درجة متوسطة وبالهنا
مدير مطبخ مجلة مملكتي :أ.هالة طارق
