*Back_to_school*
كتبت/ سالى عبد المنعم
اختصاصية علاج نفسى وتعديل سلوك
وأنتي قاعدة بتذاكري لابنك 🤓وبعدها قولتي امثلة تشوفي فهمك ولا لا ؟
ولو فهمك فهم ايه؟ 🤨 وغصب عنه جاوبك غلط للأسف
استني نزلي الشبشب بلاش زعيق اصبري 🤐
ركزي في النقط دي هتفيدك أكثر
ممكن يكون الخلل والغلط منك أنتي .. أنتي أللي معرفتيش تفهميه كويس
عادي جداً محتاج تعيدي تاني الشرح .. التكرار بيعلم الشطار
هتكتشفي من خطأه نقط ضعفه وأكدي عليها المرة الجاية
هتطمني أن المعلومة وصلت بس محتاجة شوية تأكيد
أخوه فهم وهو لا !! معلش فروق فردية مش لازم يبقي عبقري وفلته
هتفهمي قدراته وتحديدها كويس عشان تعلميه بيها .. هل بيفهم بالسمع والتكرار ؟!
ولا البصر بالمنبهات الملونة وغيرها ؟!!
هتدوري علي طرق جديدة توصلي بيها المعلومة بدل ما 1+1=2 .. أما الولد كرهني وكره نفسه
من الروتين والتقليد 🙁😒
هتشجعيه أكتر وهتبني ليه ثقتك فيه وانه المرة الجاية هيجاوب صح وتقولي ليه مش لازم ننجح
من اول ولا عاشر مرة بس هتنجح في الأخر
متكرهوش أولادكم في التعليم بسبب خلقكم الضيق وتسرعكم وترجعوا تشتكوا من عدم ثقتهم
بأنفسهم ولا مبالاتهم وقت المذاكرة 🤨الجيل دا مش بتاع الشبشب والحزام
لو عملتم كدا خليكم واثقين من فشلهم دراسياً وإيذاءهم نفسياً
مرحباً بالتعليقات الجديدة .