مشكلة واردة للمجلة (ابنى عنده سنتين وبعانى مشكلة البصق على كل اللى حواليه لما بيتنرفز ومش عايز يبطل نهائيا )
كتبت / سالى عبد المنعم
اختصاصية علاج نفسى وتعديل سلوك
الحل
أهم شىء التجاهل وأفضل طريقة لأن الهدف هنا استفزازك بس
حبيبتى الغالية أولا هو عارف كويس ان دا غلط أول ما يعمل كدا متمسحيش بؤه وقوليله ياى فى جراثيم وحاجات وحشه على بؤك ووريهاله بالكرتون
وبعد التجاهل تاخديه فى حضنك وتقوليله حبيبى دا غلط بيخلى فيه حاجات وحشه ع بؤك يا عمر مثلا وأنت اصلا اللى بتكون مقرف أول واحد
وبعدين تبداى كل ما يكرر دا تحرمه من الحاجات اللى بيحبها زى الكرتون مثلا وتشوف اللى حواليه أخواته الأكبر مثلا لو حد فيهم بيعمل دى تمنعه عنهم فورا
وناجى بقى لآخر حاجة هو انه اصلا بيعمل كدا لانه بيبقى عنده طاقة غضب لازم تعلمه يفرغها ازاى وهو صغير كدا ممكن تديله ألوان ويرسم أو رياضة حلوه معاك الصبح وهو هيقلد حركاتك وهييبقى فرحان وتحاولى تعلميه انه يتكلم لو ف حاجة مضايقاه عشان تقدرى تعلميه سلوكيات صح
أهم شئ تبعدى عن الضرب والعنف والصراخ فى وشه لأن ممكن اصلا تكونى أنت اللى معلماه الغضب والطاقة السلبية او من خلال مقولتك المشهورة تف على عمو يا حبيبى
مرحباً بالتعليقات الجديدة .