مقدمه من : هند ابو السعود
مده التحضير : ٢٥ دقيقه
مدة الطهى:30دقيقه
مده الطهي : ٣٠ دقيقه
بالاضافه الي تجهيز الايكالوب ف التتبيل لمده ساعتين او اكتر
المكونات
نص كيلو اسكالوب
نص كيلو عدس بني مغسول ومنقوع ف الميه
كوب زبيب
٢ معلقه كبيره صلصه طماطم
معلقه هريس (شطه )
معلقه كركم
معلقه كمون
معلقه فلفل اسود
ملح
زيت زيتون مقدار فنحان
بصلتين مبشورين
فصين ثوم مفرومين
ربع كيلو بذنحان او بطاطس ع حسب الرغبه
الطريقه
نقطع الاسكالوب شرايح متوسطه وبتبلها بالبصل والثوم لمده لا تقل عن ساعتين وبعدين نقليها ف الزيت بالبصل والثوم وف نفس الزيت ننزل بالبهارات الموجوده الكركم وكمون وملح وفلفل اسود وشطه وبعدها البذنجان او البطاطس مع التقليب وبعدين ننزل بالصلصله مع التقليب وشويه ميه لغايه لما الصلصله تتماسك ننزل بالعدس لمده ربع ساعه بالميه بتاعته وبعد ذلك نضيف الاسكالوب عليه مع الاستمرار ف التقليب واخر حاجه الزبيب دقيقه او دقيقين وبعدين انزله من ع النار ع طبق التقديم وممكن للتزين عودين كرفس او بقدونس او كزبره خضرا ممكن يتقدم معه ارز...صحه وهنا#هندابوالسعود
مديره مطبخ مجله مملكتي / هاله طارق
مرحباً بالتعليقات الجديدة .