مشكلة واردة للمجلة (السلام عليكم عندي طفل يرفض جدا ان يدرس و عنيد جدا كما انه يرد الكلام هل ممكن نصيحة من فضلكم و بيرفض الذهاب للمدرسة .هو طفل طبيعي ليس لديه اي قصور نمائي)
بقلم / سالى عبد المنعم
اختصاصية علاج نفسى وتعديل سلوك
الحل :
الطفل احيانا بيستخدم العند كوسيله للفت الانتباه
محتاج حب واهتمام ورعايه بشكل أكبر
واحيانا الطفل بيعند بسبب الإستخدام المفرط لكلامه لا
والرفض الدائم لطلباته
(عايز ألعب لاعايز أخرج لا )فطبيعي هو كمان يتعلم العند
اذا كان طلب الطفل ميستحقش الرفض ليه لاء نفذيه عشان يكسب ثقه في نفسه وتكسبيه انتي كمان
الطفل كمان ممكن يعند لو عارف انك في النهاية هتزهقي وتنفذي طلبه فبيستخدمه للضغط عليك وعارف الآخر هتنفذي أو هتضربي
وفي الاخر هيعمل اللي هو عايزه
أو هتزعلي أنك ضربتيه مثلا فتعتزري له
الاسباب كتير لكن الخلاصه
اشباع الطفل بالحب هو أفضل علاجية علاجية
ودا مش معناه الدلع المفرط لكن الحزم
مرحباً بالتعليقات الجديدة .