تشيز كيك كنافه بالمانجو
مقدم من إسلام عصفور
مده التحضير حوالى نصف ساعه
مده التبريد ليله كامله أو 6ساعات على الأقل
المكونات
أول طبقه
نصف كيلو كنافه مجمده
نفتتها ناعم وهى مجمده ونحمرها فى طاسه فيها 3معلقه كبيره سمنه سايحه ونسيبها تهدى شويه ونسقيهاشربات خفيف بارد ونفردها فى صينيه بتتفتح أو بيركس ونضغط عليها كويس جدا
الطبقه التانيه
ربع كيلو كريم شانتيه خام ومعلقتين كبار سكر بودره وكوبايه لبن متلجه ونضرب بالمضرب الكهربا ربع ساعه لما الحجم يزيد ويبقى القوام متماسك نضيف 6 مكعب جبنه كيرى وعلبه قشطه صغيره ومعلقتين كبار جيلاتين بودره مدوبين فى نصف كوب ميه دافيه ونضرب كويس لما يختلطو نفصل المضرب ونضيف 2حبه مانجه مقطعه قطع متوسطه ونقلب كويس ونضيف الكريم شانتيه على طبقه الكنافه وندخلها الفريزر تتماسك
الطبقه التالته
2حبه كبيره مانجه مقطعه ونضيف السكر حسب الرغبة ونصف كوب ماء ونضربهم فى الخلاط كويس وندوب 2 معلقه كبيره نشا فى نصف كوب ماء ونقلب كله على البارد ونضعه على النار لما تبتدى تتقل نطفى عليها وتبرد نضيفها فوق الطبقه التانيه وندخلها الفريزر أو التلاجه لما تتماسك
لحين التقديم
مديرة مطبخ مجلة مملكتي أ هاله طارق
