بقلم شريف الهمامي
يالل عنيكى مرسومة فى الضلمه
داير مايدور
يالل ضحكتك سكناها الغمزه
ياحرف مولود بين السطور
انا الل عاشق فيكى الرحمه
والطيبه ياوردة فى بستان زهور
يالل عنيكى مرسومه نجمايه
خدينى فى يوم ف سماكى
داانتى الل مالكه هوايا
وبحلم أنى أكون ف يوم غناكى
يالل عنيكى مرايه بشوف نفسى فيها
دا انا روحى كل ماتوه أرجع تانى ألاقيها
ضمينى واحمينى ومدى ليا ايديكى
دا انا لو املك برموشى أدفيكى
فمتبعديش عنى فى يوم
ولو توهت قربينى تانى ليكى...
#شريف_الهمامي
مرحباً بالتعليقات الجديدة .