الحلقة الثالثة
(إزاى تعمل حوار ناجح مع إبنك)
(إزاى تعمل حوار ناجح مع إبنك)
أساسيات أو قواعد مهمه جدا فى حوارك مع إبنك .
===========================
8-حوارك مع إبنك لازم يدور حول ما يريده وعما ينفعه وليس عما ترغبه أنت فقط (إحترم رغباته وسدد إحتياجاته )
9-خلى بالك إوعى تحاول تصطدم معاه فى بدايه حوارك علشان ميبقاش صعب عليك عملية الاقناع أو الاتفاق
10-أهم حاجة وأخطر حاجة إوعى تتكلم عن أخطاء الماضى أو سلوكياته السيئة
11-دايماً فى حوارك ..تفترض إن إبنك صادق وبرئ ويخطئ ويصيب وخلى بالك إوعى توصله إنك فاقد الثقة فيه
12-خلى بالك مهم أوى تستخدم العبارات دى فى حوارك(أسف لإزعاجك – تسمح لى من فضلك –أكون شاكر لك جدا-ربما أكون مخطئا-إفترض –أعتقد)
13- ويبقى رائع لو كنت أخطأت إنك تعترف بخطأك علشان يعرف ويفهم إنك مش متسلط أو متكبر وعلشان أعلمه سياسة الاعتراف والاعتذار عن الخطأ
14-خلى بالك إوعى ترغمه أو تفرض عليه إن يقتنع باللى عندك بل مهارتك كمربى فى حوارك إنك تدريجيا تصل معه لمرحلة الاتفاق
15-خلى بالك وإنت بتحاوره إنك تقوم بدور الظابط أو المحقق أو حوارك يكون عبارة عن مواعظ وأوامر
16-خلى بالك مهم تبقى حريص إنك تنصت له بكل جوارحك ميكونش حوارك كله إنت اللى بتتكلم بس .. وزى ما قلنا إقترب منه ولمستك وحضنك مهم جدا فى حوارك معه
17-دايما لما يتكلم إوعى تقاطعه تماما لغاية ما يشرح ويكمل فكرته ورأيه ثم بعدها إشرح له وجه نظرك
========================
حوارنا بيفشل مع أولادنا لما :-
1-بنقوم بدور الظابط أو المحقق
2-أو لما توصل له رسالة معناها (مش عايز أسمع منك حاجة – مش فاضيلك دلوقتى إسمع وإنت ساكت )
3-أو لما يبقى عبارة عن مواعظ وأوامر
4-لما متكونش بتنصت له كويس ومشغول بحاجة تانية أو فاقد الثقة فيه أو فى كلامه
5-لما توصل له رسالة أو تحسسه إن مفيش فايده فى حوارك وكلامك معاه
6-لما متكونش قادر تعمل معاه حوار ناجح وفعال
7-لما تتسرع فى الحكم عليه فى بداية حوارك
8-لما متكونش محدد هدف لحوارك ويتشعب الموضوع منك وتجيب الماضى والحاضر والمستقبل كمان
9-لما متكونش مستعد نفسيا إنك تتحاور أو تكون مضغوط أو متوتر أو مشغول
=======================
أنا مش عايز أوجع دماغ كتير وهخلى حلقاتنا صغيرة علشان نقدر نستفاد منها ... بس عايزك تراجع نفسك وتراجع كل حوارك مع أولادك وتشوف إنت صح ولا إيه ...؟؟؟؟
لنا تكملة إن شاء الله
وبالتأكيد تعليقك ورأيك يهمنى ؟؟؟؟
==========================
مرحباً بالتعليقات الجديدة .