مشكلة واردة لمجلة مملكتي
قامت بالرد د.سالى عبد المنعم
اختصاصية علاج نفسى وتعديل سلوك
السلام عليكم ورحمة الله وبركاته
انا مطلقة وعندى بنتين ومليش حد في الدنيا غير ربنا وطالع عيني عشان البنات واني اعرف اربيهم وعندى مشاكل كتير والحمدلله وعمرى مافكرت في نفسي انا عايشة عشان بناتي وبس وبحاول علي قد مااقدر اخليهم مش محتاجين حاجة انا عندى بنتين الصغيرة 10 سنين والكبيرة 14 سنة الكبيرة بقالها فترة مطلعة عيني حسيت انها كبرت فجأة ومبقاش عاجبها حاجة وبقت بترد عليا وانا بحاول اصاحبها وفعلا كنت الاول مصحباهم اوى بس هي من فترة بقت غامضة ومش بتحب تحكيلي واكتشف انها بتكدب عليا في حجات وبقت بتخليني اشد عليها وازعقلها لما لقيتها صوتها بقي يعلي عليا وترد انهاردة اكتشفت انها كدبت عليا تاني وزعقتلها واخدت منها الفون وقولتلها مش هديكي الفون تاني ومش هخليكي تروحي الدروس اختها الصغيرة دخلت عليها من شوية لقيتها معورة نفسها بالسكينة وبتحاول تنتحر وتقطع شرايين ايدها انا فضلت اعيط لحد مااغمي عليا لاني عندى الضغط والسكر وهما فوقوني عشان متعودين لما بتعب بس انا دلوقتي مش بكلمها وقولتلها لو انتي مش عجباكي عيشة امك ومبقتش امك عجباكي هتصل بأبوكي وتروحي تعيشي معاة مع العلم ان ابوها عمرة ماسأل عنها ولما كانت بتتصل بية زمان كان بيكلمها وحش وهي بتكرهه انا مش عارفة اعمل اية انا بموت ومش عارفة اتصرف ازاي اعاملها براحة ولا مكلمهاش ولا اتصرف ازاي انا عمرى ماتخيلت ان بنتي تبقي معايا كده
الحل:
وعليكم السلام ورحمة الله وبركاته
حبيبتى السائلة هذا أخطر مراحل العمر التى يمر لها الإنسان وهو سن المراهقة وفى السن الأولاد مبيحبوش النصيحة خالص و مبتحبش حد يصيع عليها و يوقعها فى الكلام حاولى تتكلمى معاها و تفهميها متحسسيهاش انك بتتكلمى معاها عشان تحكمى عليها عشان متخافش منك حسسيها انك مهتمة بيها من غير ما تخنقيها و تحققى معاها هى من نفسها هتيجى تحكيلك و اهم حاجة تحافظى على سرها و بلاش تكون الحياة بينكم كدا ملكوش غير بعض انت المفروض تكونى اختها و صاحبتها قبل ما تكونى امها أغلب الأمهات لاتقرا عن هذه المرحلة وليس عندها ثقافة صحيحة للتعامل مع الأولاد وهذا اخطر شىء
من طبيعة سن مرحلة المراهقة الرغبة في الإستقلال وتحقيق الذات والإعتداد بالرأي
يفضل ان نترك للمراهق مساحات واسعة للإختيار فيما يخصه ولا نفرض عليه أمرا ما وإلا فالعواقب وخيمة يفضل اعتباره صاحب وصديق والأخذ برأيه وتحميله مسؤوليات واستخدام الحوار والنقاش والقوانين المسبقة والإتفاق عليها
مرحباً بالتعليقات الجديدة .