سما المصرى تعلق علي حبس الاعلامية ريهام سعيد في واقعة عصابات خطف الاطفال

كتب وليد شفيق

علقت الفنانة سما المصرى علي حبس الاعلامية ريهام سعيد في واقعة عصابات خطف الاطفال حيث قالت ((اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا يااارب)).. انا مش شمتانه انا بس حبيت اوريكم ان البلد دي فيها قانون وانا سبق وطرحت الموضوع دا قبل كده عليكم وانتم ماصدقتوش ومحدش هان عليه يقول كلمه حق ويقول ان الست دي غلطانه وبتتاجر بامراض الناس....الاعلام بتاعنا بقي يتاجر للاسف بكل حاجه حتي بدم اطفالنا وسمعه ستات مصر...ستات مصر يااستاذه ريهام مش اللي انتي بتجبيهم عندك في البرنامج...هم مش دواعر ولا بتخون جوزها ولا لابساها عفريت ولا عنيها بتجيب دم ولا ملحده ولا عندها صرع ولا ليها صور مش حلوه مع شاب ذي فتاه المول.....ستات مصر انضف من كده بكتير اوي ومحدش عارف اللي حصلك دا ذنب مين ولا مين...ربنا ينجيكي باه لو كنتي مظلومه وينتقم منك لو كنتي ظلمتي حد...فضيحه الولايا مش سهله وربنا منتقم جبار واتمني انك تطلعي مظلومه من القضيه دي لانها مش سهله ولو جربتي حرقه دم الامهات علي عيالها اللي بتتخطف ماكنتيش فكرتي تعملي سبق صحفي عن الموضوع دا وتخلي واحد بجد يخطف عيال الناس...خلوا بالكم من عيالكم والاهم تخلوا بالكم من الاعلام بتاعتنا لان معظمه بقي شمال والنضيف منه بيخاف يقول الحقيقه عشان المصالح وعشان العلاقات وعشان حاجات كتير اوي بس البلد دي فيها قانون قادر يجيب حق الغلبان....الغلبان في البلد دي ملهوش غير ربنا والقانون.....اللهم لا شماته.