اعداد و حوار / مصطفى العطار
امل مصطفي فنانه مصرية من فنانات الهاند ميد اشتهرت بتصميم الشموع و الرسم علي الفخار تهتم بمكملات الديكور المنزلي لها ملامح هادئه و انامل ذهبية بدأت بالأركيت و الرسم على الزجاج و انتهت بالرسم على الخزف ، حاصلة على معهد حاسب ألي و تعمل إدارية بمدرسة خاصة .
البداية عرفي نفسك لجمهور و عشاق الهاند ميد :
اسمى أمل مصطفى ٣١سنه من سكان القاهره مؤهلي معهد حاسب آلي ونظم فوق المتوسط
انا مصممه شموع والرسم علي الخزف بالاخص الرسم ع الفخار لتكمله الديكور المنزلي
بابا شجعنى من صغيرى للأشغال اليدويه
نشأت في اسره متوسطه والدي موظف بالمعاش و كان يعمل بجريدة الأهرام .
كيف بدأت حكايتك مع الفنون و الرسم ؟
والدى ساعدنا كتير و كان بيخلينا نشتغل بايدينا شغل الاركيت والرسم ع الزجاج وتماثيل بالقواقع البحريه وهو اللي زرع جوانا حب الشغل اليدوى
و مع الوقت جذبتني جدا فكرة الرسم على الفخار وتنسيق الالوان لإظهار الشكل الجمالى لكل قطعه من قطع الفخار .
متى بدأتي مشروعك الحقيقي على أرض الواقع ؟
بدأ مشروعي يشوف النور من سنتين وشغلي عجب الناس وده حفزني و حمسني لتطوير شغلي للاحسن وبكون سعيده لما شغلي بيعجب الناس و باكون سعيده اكتر لما بأطور من نفسي عشان اوصل لمنتج اجمل و أحلى .
والفكرة بدأت خاصة لما سافرت بلدى الواحات و جدتهم بيستعملوا كل حاجه بالفخار وفي مصنع هناك اشتريت منه بعض المنتجات الخزفية و بدأت ألونها و أرسم عليها .
ولكن وجدتها قليله جدآ بالقاهرة حاولت اعرف اماكن تصنيع الفخار .
كيف بدأتي تطوير شغلك و افكارك ؟
أوقات باجيب تصميمات من على النت و أوقات بأبتكر تصميمات من خيالي و بارسلها لمصنع فخار و هما بينفذوها و انا باقوم بالرسم و التلوين بعدها .
ماهى هواياتك بعيدا عن الفن و الرسم ؟
وكنت بحب الرياضه جدآ واشتركت في فريق السباحه و كنت مغرمة بباتيناج الهوكي .
في دنيا المشغولات اليدويه حابة توصلي بحلمك لفين .؟
كان نفسى احقق حاجه من موهبتى واستقريت بالشغل اليدوى لوقت فراغي بالمنزل
لمكان مشهور ومعروف اعرض فيه منتجاتى وابدع فيها واشوف فرحه الناسلما يعجبهم شغلي لان دة بيمنحني طاقة ايجابية لتطوير شغلي للاحسن و الأفضل ..
عملتي معارض و لا بتكتفي بالتسويق الالكتروني ؟
عملت معارض بعدة نوادي لكن بيكون مدة المعرض يوم واحد لكن مع وجود النت و السوشيال ديديا بدأت بعمل صفحه لمنتجاتي على الفيسبوك و حققت انتشار كبير من خلالها .
حدثينا عن الاشخاص اللي دعمتك حتى وصلتي للانتشار ...
والدي و اختى صفاء لانها فنانه و بتعمل عقود رائعه من الاحجار الكريمه فعندها حسن فني ممتاز و كمان اصدقائي على مواقع التواصل الاجتماعي
ايه اكتر الصعوبات اللي قابلتك في رحلتك الفنية ؟
اماكن شراء الخامات و كيفية تسويق منتجاتى .
بالنسبه للفواحات العطرية
ما هى اهم العطور التي تستخدميها و ما هي اهم الانواع التي يقبل عليها عملائك ؟
انا باعرض الفواحه بالعطر والشمعه كعينه عشان الناس تعرف تجيب زيها بعد كده
بالنسبه للعطور الاكثر طلبا الفل و الياسمين والمفضلين بالنسبالي (كاريزما _ التوت_فانتزيا)
و في ناس بتحب تضع عطرها الشخصي في الفواحه .
مرحباً بالتعليقات الجديدة .