كتبت ايه عفت محمد
مقدم من مطبخ : توتا مراد
مدة التحضير ساعه
مدة الطهى10دقايق
المكونات
2 ونص كوب دقيق
نص كوب لبن بودره
١ بيضه
ربع كوب زيت
معلقه ك سكر
معلقه ك خميره
معلقه ك زبادى
معلقه ك زبده طريه
معلقه ص بيكنج بودر
معلقه ك كريم شانتي خام ايووون زى ماقريتو كريم شانتى خام بيدي هشاشه روعه
معلقه ص خل
رشه ملح
ميه دافيه للعجن
الطريقه:-
- هنجيب كوبايه ونحط فيها شويه ميه دافيه ومعاها السكر والخميره والبيكنج ونقلبهم كويس جداا ونسيبهم يخمروو
- بعد كده نجيب بوله العجن ونحط دقيق ولبن بودره والكريمه البودره ورشه الملح ونقلبهم ونجهز بوله تانيه صغننه
-نضرب فيها بيض زيت خل زبادى ونعمل حفره فى نص الدقيق وننزل خليط البيض ده ونقلب وننزل كوبايه الخميره ونبتدى نعجن ونزود ميه دافيه لحد ماتلم معانا ولما تلم زودى معلقه الزبده و اعجنى كويس لحد ماتنعم ويكون وشها املس
- انقليها بقي فى بوله مدهونه زيت وغطيها لحد ماتخمر وبعد كده اديها بوكسين كده محترمين فضي الهوا ال جواها وشكليها زى ماتحبي بقي وسبيها تخمر
- وبعد كده دخليها فرن سخن على ١٨٠ او ٢٠ لمده من ١٥ ل ٢٠ دقيقه وبالف هنا
مرحباً بالتعليقات الجديدة .