ولقيت الفرحه على بابي
جايه بتنده لي
قاعده قدامي على أعتابي
قولت على مهلي
أصلي مش واخده
ع الفرحه
كدا تناديني
أحزاني ساكنه مطرحها
وديما تواسيني
قالتلي عيشي وإتعايشي
معايا شويه
ياما تعبتي من حزنك
وشوفتي قاسيه
قولتلها
نفسي في دواكي
ونفسي
تاخديني في هواكي
لكن خايفه من عمري
ليضيع في يوم وياكي
قالتلي بصي كدا قدامك
حتلاقي السعد بينده لك
ويقول خدامك
ولقيت حبيبي بياخدني
من وسط الكون
يضم أشواقه بأشواقي
داير ما يدور
ولقتني بطلع وأطلع في كل حياته
والفرحه معانا بتطلع بأمنياته
وقالتلي شوفتي بعنيكي
حبيبك جاي يناديكي
أناعمري يوم
ما أجي عليكي
وشوفي الفرحه جواكي
والسعد الطارح
حواليكي
حتعيشي الدنيا بجمالها
وتعيشي أيامها وزمانها
وتلاقي أمالها
مابين إيديكي
مرحباً بالتعليقات الجديدة .