مقدم من مطبخ / Tota Morad
المقادير:
1 كوب بودره كريم شانتي خام
نص كوب لبن رايب ساقع
نص كوب لبن ساقع
2 علبه زبادى او 8 معالق كبير
كيس فانيلا
2 معلقه ك سكر بودره
الطريقة :
هنضرب لبن رايب ولبن عادى والسكر والزبادى ولما يعملو رغاوى
هنزل الكريمه تدريجيا ونكمل ضرب 4 دقايق هنلاقي قوام كريمي هش وتقله وسط لا خفيف ولا تقيل اوى....
تمام كده هنجيب بقي البوله بتاعتنا او الكاسات
ونحط اول طبقه كيك انا استخدمت سبونج كيك
وبعد اول طبقه كيك نسقيها لبن بسيط جدا
وفوقيها الكريمه وشويه صوص توت اشتريته جاهز
وبعده شريحه كيكه ونسقي لبن بسيط وكريمه
واخر حاجه على الوش نقطع فراوله ونحاول يكونو مقاس بعض...
ونلمعها بجيلي فراوله مركز
....وندخلها الثلاجه ساعتين وهتبقي جاهزه
طريقه الاسبونج:
ربع كيلو دقيق اسبونج
2 بيضه بحراره الغرفه
ربع كوب ميه فاتره
كيس فانيلا
الطريقة :
هنضرب كله مع بعض 10 دقايق
وبعد كده نصب الخليط فى صاج السويسرول ويكون مدهون زيت خفيف ومتبطن بورق زبده
وتدخل فرن سخن على 180 لمده 10 دقايق
وطلعيه يبرد
شيلي وشه بسكينه مشرشره وقطعيه على اد حجم الكاسات
الجيلي المركز للتلميع
المقادير :
1 كيس جيلي فراوله
كوب الا ربع ميه سخنه
الطريقة :
هنقلب الجيلي مع الميه
ولما يدوب كويس هنركنه على جنب شويه لحد مايبتدى يتقل
هناخد بالفرشاه وندهن الفراوله بتاعتنا
وبالف هنااااااا
مرحباً بالتعليقات الجديدة .