مقدم من مطبخ / Tota morad
- الطريقة :
اول طبقه هى فادج وممكن تعمليها براونى أو اسبونج بس بلبن وزبده عشان يبقي دسم
تانى طبقه هى كريمه خام ضربتها بميه وسكر وثلج وزودت تمر مفروم ناعم جدا ومعلقه ك توفي وضربتهم تانى
كده جهزنا الكيك والكريمه نيجي بقي للكينج بتاع الوصفه وهوووو صوص
- طريقته سهله خالص
هتجيبي حله وتحطى فيها كوب سكر مع نص كوب ميه وترفعيهم على نار وسط مش عاليه اوى وتستنى لما يتكرمل وطبعا بدون تقليب ...
اتكرمل واخد لون هننزل مكعب زبده صغنن ونقلب ولما يدوب
هننزل نص كوب ميه متدوب في ٤ معالق ص كريم شانتي خام وننزله تدريجيا على الكراميل ونقلب
ونزود رشه ملح غلوه واحده ونقفل
ونزود نص كوب سودانى مفروم خشن ومعلقتين كبار نوتيلا او اى شوكولاته سبريد عندك ونقلب
ونزود معلقه ك عسل جلوكوز مع ربع كوب ميه فاتره ونقلب كله كله وبعدها ممكن عشان تعززى النكهه تزودى معلقه ك زبده فول سودانى بتدى تيست يهبل وسيبي الصوص يبرد خالص
- هنركب الحلو بتاعنا ازاى بقي
طبقه كيك
معلقه صوص سنيكرز
وفوقيه كريمه
وهكذا
واخر طبقه بتكون الصوص وعليها تمرايه وخطوط نوتيلا
مرحباً بالتعليقات الجديدة .