نجوم ومشاهير

تسنيم ممدوح : بإبرة وخيط أصبحت سيدة أعمال وحققت طموحى

 أجرى الحوار/حنان مبروك 

تسنيم ممدوح ابو اليزيد 26سنةمتزوجة ولدي طفلين، خريجة آداب جغرافيا نظم ومعلومات،
بدأ حبي وشغفي بعالم الهاند ميد منذ الصغر، ولكن لم أتوفق في دخول كلية تدعم هذا الفن ، وتزوجت وواجهتني صعوبات كثيره لأثبت نفسي،
وبدأت فكرتي للمشروع بإبرة وبكرة خيط صنعت ليا ولأولادي حاجات بسيطة وعجبت الناس جدا،

وسالوني لو أبيع وكده قولت ليه مش أسوق شغلى بدأت بمبلغ بسيط جدا 500جنيه طبعا مش كل الناس تقبلوا ده بترحاب فيه طبعا أحبطوني وقالولي مش هتكملي وفيه طبعا اللى دعمني زي زوجي وأختي وأمي طبعا اختي برضو كانت عندها مبادئ لفن الكروشيه وقالتلي هنتعاون مع بعض وشجعتني بدأت أدخل علي مواقع أجنبية وبعض المواقع المصرية عشان أتعلم أكتر وأعرف الفن الجميل ده.
هدفي في البداية مكنش الربح خالص لما واجهت الإحباط من بعض الناس كان الدافع ليا أمي..

أن أتقدم للأمام وإني أثبت نفسي أكتر وأعرف الناس بفن الكروشيه الراقي ده وأنه بلا قيمة لا ده شئ جميل وراقى، مجرد إبره وخيط هتنتج قطعة فنية جميلة تقدر تعجب ناس كتير.
أصابني طبعا فترات إحباط بس كانت أختي وزوجي داعمين ليا دايما للمشروع بتاعي مش من كتير من سنتين فقط بس بفضل الله بالمجهود والتعب والمثابرة قدرت أحقق هدفي وذاتي وقدرت أوصل لجزء من حلمي.
وخطوتي القادمة أتمنى أن أصدر خارج مصر.
وفي النهاية أتقدم بالشكر للمتألقة (تنسيم ممدوح) علي هذا الحوار ونتمني لها مزيد من النجاح والتوفيق.