ولاء عليش لمسات ذهبية لمفروشات عصرية

تعتبر المفروشات هي اهم الاشياء التي يجب ان تكون متواجدة في كل منزل .
وهي التي تبحث عنها كل سيدة وذلك لأنها تعطي المظهر الجذاب والمميز للمنزل .ولذلك تسعي كل امرأة دايما للحصول علي الأناقة والتميز داخل منزلها .
مع ولاء عليش ستجدون كل ما هو مميز وانيق تعالوا معنا نتعرف عليها وعلي ابداعاتها المنزلية .
انا ولاء عليش حاصله على بكالريوس تجاره جامعة عين شمس
وحاليا مصممه مفروشات
وقريبا جدااا مصممه ازياء

اول ماتخرجت اشتغلت محاسبه في شركه مقاولات بس بعد الجواز كان صعب عليه اني اكمل في الشغل لان مواعيد القطاع الخاص ماكنتش مناسبه ليه وكنت قاعده في البيت مش ماليش اي هوايه ولاعارفه انا بحب اعمل ايه اصلا
لما زهقت من قعدتي في البيت كتير من غير شغل ابتديت ادور على شغل مناسب مالقيتش
كنت بتفرج على البرامج اللي بتستضيف ستات بتشتغل من بيتها وعندها هوايات كان بيعجبني كفاحهم وأنهم بيقروا يعملوا حاجه يثبتوا فيها نفسهم

ابتديت ادور على أي حاجة اكون بحبها او اكون بعرف اعملها الموضوع خد مني وقت كتير

لقيت اني طول عمري كنت بحب الخياطه وكان عندي فكره بسيطه عنها يادوب بعرف اقعد  على ماكينه
انا بحب المفروشات وبحب الحاجه اللي بيكون شكلها متميز ومختلف
عرضت الموضوع على جوزي اني ابتدي مشروع خاص بي وافقني وشجعني وحماتي كان عندها ماكينه خياطه سنجر الموديل القديم شجعتني واعدتني الماكينه قلت اجرب عليها وكل اللي حواليه كانو بيساعدوني بابا اللي ساعدني بتمويل المشروع وامي الاي كانت دايما بتشجعني وتدعمني
ابتديت أعرض الفكره على اللي حواليه وابتدوا يطلبو مني شغل وكان ربنا موفقني توفيق كبير اووي الحمد لله كان كل اللي بيطلب مني حاجه معينه بطلعهاله زي ماهو عاوز بالظبط

**اللي انا مؤمنه بيه دايما ان كل شخص ربنا اداه موهبه وميزه ميزه بيها بس الفكره كلها تكمن في أن الواحد يدور جواه ويعرف ايه الحاجات اللي بسحبها ويقدر يبدع فيها

***اكيد اتقان اي موهبه محتاج مهارات خاصه وكل ماكان الشخص استهدف الموهبه اللي جواه صح كل مايقدر يتقنها افضل

****بدأت بالعمل منذ سنتين تقريبا بعد مازهقت من قعده البيت ودورت على شغل كتير بس مالقيتش غير في القطاع الخاص وطبعا مواعيده ماكنتش مناسبه ليه تماما
اكتر حاجة شجعتني ولفتت نظري اني ابتدي ادور على حاجه اكون بحبها تكون مشروعي ومصدر دخل ليه هي كانت برامج السيدات البي انتشرت في الفتره الاخيره كانت دافع لاني ادور على حاجه اعملها

****اول طقم نفذته طلع حلو اووي وكل اليي حواليه كانو مبسوطين بيه وانا كنت مبسوطه بيه اووي

اكيد في في حاجات كانت بتبوظ مني بس كنت بعالجها دايما ويمكن في أول شغليي كنت اكتر خساره بتعرضلها اني بهدر اوووي في القماش

تعلمت المفروشات بشكل ذاتي واكيد ده كان فضل من ربنا عليا كنت دايما بحس ان ربنا منور بصيرتي الحمد لله
كنت لما احب اعرف حاجه معينه بتتعمل ازاي في  شغلي كنت بدخل عاليوتيوب بس على مواقع اجنبيه استفدت منها كتير وخاصه فن الباتشورك اللي كان مستهويني اووي برده لانه فن راقي وفي استغلال لقصاقيص القماش اتعلمت بعض أعمال الباتشورك من مواقع اجنبيه
***اكيد في الأول مش كل الناس كانت مقتنعه اني اقدر أخوض التجربه دي او ماكانو متوقعين نجاحها بس ده ده كان تحدي بالنسبه لي اني اثبتلهم ان الموضوع انا واخده بجد واني هانجح فيه ولما  بعد ماشافوا الإنتاج اقتنعوا وشجعوني

اللي اخدت في دورات وده لسه قريب من شهر تقريبا تفصيل الملابس والحمد لله مطلعه فيه نتايج كويسه
*** اي مجال محتاج التعلم والممارسه
ممارسه العديد من العمل والأشكال المختلفه في اي مجال بتعطي خبره وثقه في النفس

****كل هواياتي مرتبطه بالتفصيل والخياطه ومؤخرا اخدت كورس في الخياطه وطلعت فيه إنتاج كويس جدااا الحمد لله وقريبا هاعمل كولكشن وانزله اونلاين

مافيش حد معندوش هوايه او حاجه يقدر يبدع فيها وانا مقتنعه ان ربنا خالقنا مليانين مواهب وابداع محتاجين مدور جوه نفسنا شويه ونوصل للهدف اللي احنا عاوزينه
انصح اي حد عنده هوايه او فكره عاوز ينفذها يتجنب المحبين من حوله ويخوض التجربه لانه لو سمع كلام الناس اللي حواليه المحيط هايضيع على نفسه فرص كتير اوووي ممكن ترفع من شأنه